ସାହିତ୍ୟ ଓ ଜଗନ୍ନାଥ ସର୍ବମୟ : ସୁନୀତି ମୁଣ୍ଡ
ଭୁବନେଶ୍ୱର,୧୩/୭/୨୦୨୪ (ଓଡ଼ିଶା ସମାଚାର/ରଜତ ମହାପାତ୍ର)- ଭୁବନେଶ୍ବର ବୁଲନ ଭାଇ ସେବା ସଦନଠାରେ ତ୍ରୟମାସିକ ସାହିତ୍ୟ ପତ୍ରିକା ‘କଳ୍ପନା’ର ରଥଯାତ୍ରା ସଂଖ୍ୟା ଉନ୍ମୋଚନ ହେବା ସହିତ ସାହିତ୍ୟ ଅନୁଷ୍ଠାନ ‘କଳ୍ପନା’ ପକ୍ଷରୁ କବିତା ପାଠୋତ୍ସବ ସହ ‘ପ୍ରଭୁ ଜଗନ୍ନାଥଙ୍କ ବାହୁଡ଼ା ଯାତ୍ରା’ ବିଷୟ ଉପରେ ଆଲୋଚନା ହୋଇଥିଲା। କେଶବ ରାଉତ ସଭାକୁ ଉଦଘାଟନ କରିଥିବା ବେଳେ
ମୁଖ୍ୟ ଅତିଥି ଭାବେ ଶେଷଧର ପଣ୍ଡା, ମୁଖ୍ୟବକ୍ତା ଭାବେ ଡ ସୁନୀତି ମୁଣ୍ଡ, ସମାନିତ ଅତିଥି ଭାବେ ଯୋଗଦେଇଥିଲେ କାହ୍ନୁଚରଣ ପାଣିଗ୍ରାହୀ, ବିଜୟଲକ୍ଷ୍ମୀ ସାହୁ, ସତ୍ୟ ବେହୁରା ପ୍ରମୁଖ ଯୋଗ ଦେଇଥିଲେ। ପଞ୍ଚାନନ ଜେନା ମଞ୍ଚ ପରିଚାଳନା କରିଥିଲେ। ଶେଷରେ ଅନୁଷ୍ଠାନର ସମ୍ପାଦକ ଗୋପାଳ ଚନ୍ଦ୍ର ଜେନା ଧନ୍ୟବାଦ ଦେଇଥିଲେ। ପଚାଶରୁ ଅଧିକ ଜଗନ୍ନାଥ ଭାବଧାରାର କବିତା ପାଠ ହୋଇଥିଲା।
