କନ୍ଦରପୁର କଲେଜର ୪୬ ତମ ପ୍ରତିଷ୍ଠା ଦିବସ ପାଳନ

କଟକ ସଦର, ୦୧/୧୨/୨୦୨୩ (ଓଡ଼ିଶା ସମାଚାର ବିଷ୍ଣୁ ବେହେରା): କଟକ ସଦର ଅନ୍ତର୍ଗତ କନ୍ଦରପୁର କଲେଜର ୪୬ ତମ ପ୍ରତିଷ୍ଠା ଦିବସ ଆଜି ଶୁକ୍ରବାର ଅପରାହ୍ନରେ ମହାସମାରୋହରେ ପାଳନ କରାଯାଇଛି।ଏହି ଉପଲକ୍ଷେ କଲେଜର ଅଧ୍ୟକ୍ଷା ପ୍ରଣତି ପଟ୍ଟନାୟକଙ୍କ ପୈ। ରୋହିତ୍ୟ ଓ ଅଧ୍ୟାପକ ପ୍ରଦୀପ୍ତ ବିଶ୍ୱାଳ ଙ୍କ ସଂଯୋଜନାରେ ଆୟୋଜିତ ସଭାରେ କଟକ ସଦର ବିଧାୟକ ଚନ୍ଦ୍ର ସାରଥି ବେହେରା, ସମାଜସେବୀ ପ୍ରଫୁଲ୍ଲ ସିଂହ ଯୋଗ ଦେଇ ଶିକ୍ଷା, ଶିକ୍ଷାୟତନ ଓ ଶିକ୍ଷକ ସମ୍ପର୍କରେ ଆଲୋକପାତ କରିଥିଲେ। ଏଥିରେ ଅନ୍ୟମାନଙ୍କ ମଧ୍ୟରେ ଉତ୍ସବ କମିଟିର ସଂଯୋଜିକା ଅଧ୍ୟାପିକା ବିଷ୍ଣୁ ପ୍ରିୟା ରାଉତରାୟ (ଅଞ୍ଜଳି), ପ୍ରଶାସନିକ ମୁଖ୍ୟ ଡ଼ଃ ଅଲେଖ ଚନ୍ଦ୍ର ସାହୁ ପ୍ରମୁଖ କଲେଜର ଉନ୍ନତିକରଣ ଦିଗରେ ବିଧାୟକ ଓ ପୂର୍ବତନ ଅଧ୍ୟକ୍ଷ ଶାରଦା ପ୍ରସାଦ ମହାପାତ୍ରଙ୍କ ଅବଦାନକୁ ଉଚ୍ଚ ପ୍ରଶଂସା କରିଥିଲେ। କନ୍ଦରପୁର ସରପଞ୍ଚ ସୁଵାସିନୀ ରାଉତ ମଧ୍ୟ ମଞ୍ଚାସିନ ଥିଲେ। କଲେଜର ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା କୃତି ପ୍ରତିଯୋଗୀଙ୍କୁ ଅତିଥି ମାନେ ପୁରସ୍କୃତ କରିଥିଲେ। ଶେଷରେ ଡ଼ଃ ନମିତା ପଟ୍ଟନାୟକ ଧନ୍ୟବାଦ ଦେଇଥିଲେ।ପରେ ଛାତ୍ରଛାତ୍ରୀମାନଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।