ଦୁର୍ବୁତ୍ତଙ୍କ ଗୁଳି ମାଡ଼ରେ ମା ମୃତ , ନାବାଳିକା  ଝିଅ ଗୁରୁତର ଆହତ

ଭବାନୀପାଟଣା, ୩୦/୬/୨୦୨୪ (ଓଡ଼ିଶା ସମାଚାର)-କଳାହାଣ୍ଡି ଜିଲା କର୍ଲାପାଟ ଥାନା ରଣପୁର ଗ୍ରାମରେ ଦୁର୍ବୁତ୍ତଙ୍କ ଗୁଳି ମାଡ଼ରେ ଜେମା ଦେଇ ମାଝୀ(୩୯) ନାମକ ଜଣେ ମହିଳାଙ୍କ ମୃତ୍ୟୁ ହୋଇଥିବା ବେଳେ ତାଙ୍କ ୯ ବର୍ଷର ଝିଅ ଦିବ୍ୟା ଗୁରୁତର ଆହତ ହୋଇଛନ୍ତି।

ମା, ଝିଅ ଚାଷ ଜମିକୁ ଯାଇଥିବା ବେଳେ ଗୁଳି ମାଡ଼ର ଶିକାର ହୋଇଥିଲେ । କିଏ ଏବଂ କାହିଁକି ମା, ଝିଅକୁ ଗୁଳି କରିଛନ୍ତି ତାହା ଏଯାଏ ଜଣାପଡିନାହିଁ। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ନାବାଳିକା ଝିଅଙ୍କୁ ଚିକିତ୍ସା ପାଇଁ ବୁର୍ଲା ହସ୍ପିଟାଲରେ ଭର୍ତ୍ତି କରାଯାଇ ଚିକିତ୍ସା କରାଯାଉଥିବା ଜଣାପଡିଛି।