ଗ୍ରନ୍ଥାଗାରିକ ସଂଘ ପକ୍ଷରୁ ଉଚ୍ଚ ଶିକ୍ଷା ମନ୍ତ୍ରୀ ଙ୍କୁ ସମ୍ବର୍ଦ୍ଧନା

ଭୁବନେଶ୍ୱର,୨୭/୬/୨୦୨୪ (ଓଡ଼ିଶା ସମାଚାର)-  ଓଡିଶା ମହାବିଦ୍ୟାଳୟ ଗ୍ରନ୍ଥାଗାରିକ ସଂଘ ପକ୍ଷରୁ ଆଜି ଉଚ୍ଚଶିକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୁରଜ ଙ୍କୁ ସୌଜନ୍ୟ ମୂଳକ ସାକ୍ଷାତ ସହ ସମ୍ବର୍ଦ୍ଧିତ କରାଯାଇଛି । ରାଜ୍ୟ ଗ୍ରନ୍ଥାଗାରିକ ସଂଘର କାର୍ଯ୍ୟକାରି ସଭାପତି ହୃଷିକେଶ ମିଶ୍ର,ଖୋର୍ଦ୍ଧା ଜିଲ୍ଲା ସଭାପତି ମହେଶ୍ୱର ମହାରଣା ଓ ହେମନ୍ତ କୁମାର ଦାଶ ପ୍ରମୁଖ ମାନ୍ୟବର ଉଚ୍ଚଶିକ୍ଷା ମନ୍ତ୍ରୀ ଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ପ୍ରଦାନ କରି ସମ୍ବର୍ଦ୍ଧିତ କରିବା ସହ ଗ୍ରନ୍ଥାଗାରିକ ମାନଙ୍କର ବିଭିନ୍ନ ସମସ୍ୟା କୁ ନେଇ ସଂଘ ତରଫରୁ ଏକ ଦାବିପତ୍ର ପ୍ରଦାନ କରିଥିଲେ । ତେବେ ଉଚ୍ଚଶିକ୍ଷା ମନ୍ତ୍ରୀ ଦାବି ସମ୍ପର୍କରେ ଅବଗତ ହେବା ସହ ଏହାର ସମାଧାନ ଉପରେ ପଦକ୍ଷେପ ନେବେ ବୋଲି ପ୍ରତିଶୃତି ଦେଇଥିଲେ । ଏ ନେଇ ସଂଘର ସଭାପତି ଶ୍ରୀଯୁକ୍ତ ମିଶ୍ର ଙ୍କ ସମୟୋଚିତ ପଦକ୍ଷେପ ଓ କାର୍ଯ୍ୟ ଧାରା ପାଇଁ ବିଭିନ୍ନ ଜିଲ୍ଲା ସଂଘ ତରଫରୁ ତାଙ୍କୁ କୃତଜ୍ଞତା ପ୍ରଦାନ କରାଯାଇଛି  ।