ମୂଲ୍ୟବୋଧର ପୁନଃ ପ୍ରତିଷ୍ଠା ବିଜେପିର ପ୍ରୟାସ –  ଭର୍ତ୍ତୁହରି      

 ଫୁଲନଖରା ୧୦/୦୪/୨୦୨୪ (ଓଡ଼ିଶା ସମାଚାର)- ପରିବର୍ତ୍ତନ ଲୋକେ ଚାହୁଁଛନ୍ତି ।  ଓଡିଆ ଅସ୍ମିତା ଓଡିଆ ସମ୍ମାନ, ସ୍ଵାଭିମାନର ସୁରକ୍ଷାପାଇଁ ଲୋକ ଚାହୁଁଛନ୍ତି  । ମୁକାବିଲା କୌଣସି ବ୍ୟକ୍ତି ବିଶେଷ ପାଇଁ ନୁହେଁ । ମୂଲ୍ୟବୋଧର ପୁନଃ ପ୍ରତିଷ୍ଠା ପାଇଁ ବିଜେପି ଚାହୁଁଛି । ଏଣୁ ମୋର ସୌଭାଗ୍ୟ  ମୁଁ ସେଥିରେ ସାମିଲ ହୋଇଛି । ନୂଆ କାଚରାମାଳ ଲକ୍ଷେଶ୍ଵର ୟୁଥ୍ କ୍ଳବ୍ ଦ୍ଵାରା ଆୟୋଜିତ  ସ୍ୱାଗତ ମେମୋରିଆଲ କ୍ରିକେଟ ଟୁର୍ଣ୍ଣାମେଣ୍ଟ କୁ  ଉଦଘାଟନ କରି ବିଜେପି ସାଂସଦ ପ୍ରାର୍ଥୀ ଭର୍ତ୍ତୁହରି ମହତାବ ଯୋଗ ଦେଇ  ସାମ୍ବାଦିକ ମାନଙ୍କ ପ୍ରଶ୍ନର ଉତ୍ତରରେ କହିଥିଲେ ।ଆୟୋଜିତ ଉତ୍ସବରେ କଟକ ସଦର ବିଜେପି ବିଧାୟକ ପ୍ରାର୍ଥୀ ପ୍ରକାଶ ଚନ୍ଦ୍ର ସେଠୀ , ସ୍ଥାନୀୟ କର୍ପୋରେଟର ମମତା ମହାନ୍ତି, ବିଜେପି କଟକ ନଗର ଉପସଭାପତି ସ୍ୱାଧୀନ ଚେତା ମହାନ୍ତି, ବିଜେପିର ବରିଷ୍ଠ ନେତା ପ୍ରତାପ ରାଉତରାୟ, ବଦ୍ରିନାରାୟଣ ପଟ୍ଟନାୟକ, ପ୍ରମୋଦ କୁମାର ଓଝା ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।ଆୟୋଜିତ ଟୁର୍ଣ୍ଣାମେଣ୍ଟରେ ୩୨ ଗୋଟି ଟିମ ଅଂଶ ଗ୍ରହଣ କରିଥିଲେ । ଲକ୍ଷେଶ୍ୱର  ୟୃଥ କ୍ଲବ ସଭାପତି ଆଲୋକ କୁମାର ବେହେରା, ଏବଂ କ୍ଲବର ସଦସ୍ୟମାନେ ଅତିଥି ମାନଙ୍କୁ ପୁଷ୍ପଗୁଛ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ । କାର୍ଯ୍ୟକ୍ରମକୁ ପରିଚାଳନା କରିବାରେ ଲକ୍ଷେଶ୍ୱର ୟୁଥ୍ କ୍ଳବ୍ ସମସ୍ତ ସଦସ୍ୟ ସହଯୋଗ କରିଥିଲେ ।