ଶ୍ରୀ ଲୋକନାଥ ଦେବ ଙ୍କ ପୀଠରେ ଅନନ୍ତ ବିଶ୍ଵ କଲ୍ୟାଣ ମହାଯଜ୍ଞ 

ନିରାକାରପୁର, ୨୨/୦୩/୨୦୨୪ (ଓଡ଼ିଶା ସମାଚାର)-ଖୋର୍ଦ୍ଧା ଜିଲ୍ଲା  ବାଲିଗାଡିଆ ଜଂକିଆ ସ୍ଥିତ  ଶ୍ରୀ ଲୋକନାଥ ଦେବ ଙ୍କ ପୀଠରେ ଅନନ୍ତ ବିଶ୍ଵ କଲ୍ୟାଣ ମହାଯଜ୍ଞ ଆଜି ଠାରୁ ଆରମ୍ଭ ହୋଇଛି।  ଏହି ଅବସରରେ ଶତାଧିକ ସ୍ଥାନୀୟ ଅଂଚଳ ର ମହିଳା, ପୁରୁଷ ବ୍ରତଧାରୀ ନିକଟସ୍ଥ ମଲାଗୁଣୀ ନଦୀ ରୁ ଜଳ ଯାତ୍ରା କରି ଯଜ୍ଞ ପୀଠ ରେ ପହଂଚି ଥିଲେ । ପରେ ରୀତିନୀତି ଅନୁଯାୟୀ ସର୍ବଦେବାଦେବୀ ଆବାହନ, ଅଗ୍ନି ସ୍ଥାପନ, ସୂର୍ଯ୍ୟପୂଜା, ଗୋପୁଜା, ଆଦି କର୍ମ କର୍ମଣୀ ଅନୁଷ୍ଠିତ ହୋଇଥିଲା ।ଉକ୍ତ କାର୍ଯ୍ୟକ୍ରମ ଟି ୫ଦିିନ  ବ୍ୟାପୀ ପାଳିତ ହେବ ।  ପ୍ରତିଦିନ ସନ୍ଧ୍ୟାରେ ବିଭିନ୍ନ   ଆଧ୍ୟାତ୍ମିକ  ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ ବୋଲି ଜଣାପଡିଛି । ଏହି କାର୍ଯ୍ୟକ୍ରମକୁ ଶ୍ରୀ ଶ୍ରୀ ଜଟିଆ ବାବା ତଥା  ଗ୍ରାମବାସୀ ମାନେ ସହଯୋଗ କରୁଥିବାବେଳେ ଏହି କାର୍ଯ୍ୟକ୍ରମ ଆସନ୍ତା ୨୫ ତାରିଖ ପର୍ଯ୍ୟନ୍ତ ଚାଲି ଉକ୍ତ ଦିବସରେ ପୂର୍ଣ୍ଣାହୁତି ଅନୁଷ୍ଠିତ ହେବ। ବହୁ ସଂଖ୍ୟାରେ ଭକ୍ତ ମାନେ ଉପସ୍ଥିତ ରହି ଠାକୁରଙ୍କ ଆଶୀର୍ବାଦ ଲାଭ କରିବା ସହିତ ପ୍ରସାଦ ସେବନ କରିବାକୁ ଅନୁରୋଧ କରାଯାଇଛି।