ପରେ ପରେ ବିଜେପି ରେ ଯୋଗଦେଇ ପଦ୍ମ ଧରିଲେ
କଟକ ସଦର , ୧୫/୦୩/୨୦୨୪ (ଓଡ଼ିଶା ସମାଚାର ବିଷ୍ଣୁ ବେହେରା): ବିଜେଡ଼ି ଉପରେ କିଛି ଦିନ ହେଲା ଅସନ୍ତୁଷ୍ଟ ଥିବା କଟକ ର ଜଣାଶୁଣା ବିଜେଡ଼ି ନେତା, ବିଜେଡ଼ି ର ରାଜ୍ୟ ସାଧାରଣ ସମ୍ପାଦକ ବିଶେଷ କରି ବିଜେଡ଼ି ର ରାଜ୍ୟ ସାଂଗଠନିକ ସଂପାଦକ ଵଵି ଦାସ ଓରଫ ପ୍ରଣବ ପ୍ରକାଶ ଦାସ ଙ୍କ ଭିଣୋଇ, ବିଶିଷ୍ଟ ସିନେ ତାରକା ଅରିନ୍ଦମ ରାୟ ଶେଷରେ 
ଆଜି ଶୁକ୍ରବାର ଦିନ ଦଳରୁ ଏଵଂ ପ୍ରାଥମିକ ସଭ୍ୟ ପଦରୁ ଇସ୍ତଫା ଦେଇଥିବା ଜଣାପଡିଛି। ତାଙ୍କୁ ଦଳରେ ଅଣଦେଖା କରାଯାଉଥିବା ଅଭିଯୋଗ କରି ତାଙ୍କର ଇସ୍ତଫା ପତ୍ର ରାଜ୍ୟ ବିଜେଡ଼ି ସୁପ୍ରିମୋ ତଥା ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟକୁ ପଠାଇ ଫେସବୁକ ଆକାଉଣ୍ଟରେ ପୋଷ୍ଟ କରିଥିବା ଜଣାଯାଇଛି। 
ନିର୍ବାଚନ ସମୟରେ ରାଜ୍ୟ ବିଜେଡ଼ିର ଜଣେ ହେଭି ୱେଟ ନେତା ଵଵି ଦାସ ଙ୍କ ଭିଣୋଇ ବିଜେଡ଼ି ର ଷ୍ଟାର୍ ପ୍ରଚାରକ ଅରିନ୍ଦମ ରାୟ ଦଳରୁ ଇସ୍ତଫା ଦେବା ଘଟଣା ବିଜେଡ଼ି ରାଜନୀତିକୁ ପ୍ରଭାବିତ କରିବା ସମ୍ଭାବନାକୁ ଏଡାଇ ଦେଇ ହେବ ନାହିଁ ଵୋଲି ସାଧାରଣରେ ଚର୍ଚ୍ଚା ଜୋର ଧରିଛି। ତେବେ ଅରିନ୍ଦମ ବିଜେପି କୁ ଯିବା ସମ୍ଭାବନା ଅଧିକ ରହିଛି ବୋଲି ଶୁଣାଯାଉଛି।
ଅନ୍ୟ ପକ୍ଷରେ ଗତ କିଛି ଘଂଟା ପରେ ସେ ବିଜେପି ରେ ଯୋଗଦେଇ ପଦ୍ମ ଧରିଛନ୍ତି ।
