ନିରାକାରପୁର, ୧୭/୦୨/୨୦୨୪ (ଓଡ଼ିଶା ସମାଚାର)- ଖୋର୍ଦ୍ଧା ଜିଲ୍ଲା ଜଂକିଆ ଥାନା ରାମେଶ୍ବର ଛକ ନିକଟରେ ଦଶପଲ୍ଲା ପୌର ଯନ୍ତ୍ରୀ ଅଶୋକ କୁମାର ଦଳବେହେରା ଙ୍କୁ ଦଶପଲ୍ଲା ଉପାଧ୍ୟକ୍ଷ କିଶୋର ଚନ୍ଦ୍ର ଦାସ ମାଡ଼ ମାରିଥିବା ଜଂକିଆ ଥାନାର ଅଭିଯୋଗ ହୋଇଥିବା ଜଣାପଡିଛି। ସୂଚନା ଯୋଗ୍ୟ କି ଗତ କାଲି ରାତି ୧୧ ଟା ୪୫ ମିନିଟରେ ପୁରୀ ପରିକ୍ରମା ପ୍ରକଳ୍ପ ଦେଖିବାକୁ ଯାଇଥିବା ବସ ରେ ପୌର ଯନ୍ତ୍ରୀ ଅଶୋକ କୁମାର ଦଳବେହେରା ଆସୁଥିବାବେଳେ ରାମେଶ୍ବର ଛକ ନିକଟରେ ଯାତ୍ରୀ ମାନେ ଖାଇବା ପାଇଁ ବସ ଛିଡା କରାଯାଇଥିଲା। ଉକ୍ତ ସମୟରେ ଉପାଧ୍ୟକ୍ଷ କିଶୋର ଚନ୍ଦ୍ର ଦାସ ବସ ରେ ଚଢ଼ି ଯନ୍ତ୍ରୀଙ୍କୁ ତାଙ୍କ ଭାଗ ମାଗିବା ସହିତ ମାଡ଼ ମାରିଥିବାରେ ଜଂକିଆ ଥାନା ରେ ଅଭିଯୋଗ ହୋଇଛି। ଏ ନେଇ ଥାନାରେ ୭୬/୨୪ ରେ ଏକ ମାମଲା ରୁଜୁ ହୋଇଥିବା ଜଣାପଡିଛି।
