ସମ୍ବଲପୁର,୨୭/୦୯/୨୦୨୬ (ଓଡ଼ିଶା ସମାଚାର)- ଉପରମୁଣ୍ଡରୁ ଜଳ ପ୍ରବାହ ବୃଦ୍ଧି ପାଇବାରୁ ହୀରାକୁଦ ଡ୍ୟାମ୍ ଉପରେ ଚାପ ବଢ଼ିଛି। ତେଣୁ, ଡ୍ୟାମ୍ର ୨୮ ଫାଟକ ଖୋଲାଯାଇ ବନ୍ୟାଜଳ ନିଷ୍କାସନ କରାଯାଉଛି।ଛତିଶଗଡ଼ର ଉପରମୁଣ୍ଡରେ କ୍ରମାଗତ ବର୍ଷା ଯୋଗୁଁ ମହାନଦୀ ସମେତ ଅନ୍ୟାନ୍ୟ ପ୍ରମୁଖ ନଦୀ ଏବଂ ଜଳାଶୟଗୁଡ଼ିକର ଜଳସ୍ତର ବୃଦ୍ଧି ପାଇ ନଦୀକୂଳିଆ ଗାଁଗୁଡ଼ିକ ଜଳମଗ୍ନ ହୋଇଯାଇଛି।
ଛତିଶଗଡ଼ରୁ ବନ୍ୟାଜଳ ଆସିବାରୁ ମହାନଦୀ ଅବବାହିକାରେ ଜଳସ୍ତର ବୃଦ୍ଧି ପାଇଛି ଏବଂ ଏହାର ସିଧାସଳଖ ପ୍ରଭାବ ହୀରାକୁଦ ଡ୍ୟାମ ଉପରେ ପଡ଼ିଛି। ଗତ ୨୧ ତାରିଖରେ ସର୍ବୋଚ୍ଚ ଜଳସ୍ତର ୬୩୦ ଫୁଟ୍ ସହ ହୀରାକୁଦ ଜଳଭଣ୍ଡାର ପୂର୍ଣ୍ଣଗର୍ଭା ଥିଲା। ତେଣୁ ଏହି ବର୍ଷା ଯୋଗୁଁ ନଦୀବନ୍ଧ ଉପରେ ଚାପ ବୃଦ୍ଧିକୁ ଦୃଷ୍ଟିରେ ରଖି ଜଳ ପ୍ରବେଶର ଦୁଇଗୁଣା ବନ୍ୟାଜଳ ନିଷ୍କାସନ କରାଯାଉଛି।
