ଆଂଚଳିକ କ୍ରୀୟାନୁଷ୍ଠାନ କମିଟିର ତଦାରଖ ଜାରି

ଖୋର୍ଦ୍ଧା,୧୨ /୨/୨୦୨୪(ଓଡିଶା ସମାଚାର/ଦୀପକ ପ୍ରଧାନ)- ଖୋର୍ଦ୍ଧା ଜିଲ୍ଲା ନିରାକାରପୁର ସ୍ଥିତ ଆଂଚଳିକ କ୍ରୀୟାନୁଷ୍ଠାନ କମିଟି ନିରାକାରପୁର ଷ୍ଟେସନ ର ତଦାରଖ କାର୍ଯ୍ୟ ଜାରି ରଖିଛି। ଖୋର୍ଦ୍ଧା ରୋଡ ରେଳ ମଣ୍ଡଳ ଅନ୍ତର୍ଗତ ଗୁରୁତ୍ବପୂର୍ଣ୍ଣ ରେଳ ଷ୍ଟେସନ ନିରାକାରପୁର ର ବିକାଶ କାର୍ଯ୍ୟ ଚାଲିଛି। ଏଥିପାଇଁ ନିରାକାରପୁର ଆଂଚଳିକ କ୍ରୀୟାନୁଷ୍ଠାନ କମିଟି ପକ୍ଷରୁ ରେଳ ବିଭାଗ ଉଚ୍ଚ କର୍ତ୍ତୁପକ୍ଷଙ୍କୁ ଦାବି ପତ୍ର ପରେ ଧାରଣା ଦେବା ପରେ ପ୍ରତିଶ୍ରୁତି ମିଳିଛି। ଷ୍ଟେସନ ର ୨/୩ ନମ୍ବର ପ୍ଳାଟଫର୍ମ କାର୍ଯ୍ୟ ଚାଲିଛି ମାତ୍ର ଢଳେଇ କାର୍ଯ୍ୟ ହେବା ପରେ କିପରି ପାଣି ଦିଆ ନଯାଇ କାର୍ଯ୍ୟ ହେଉଛି ବୋଲି କ୍ରୀୟାନୁଷ୍ଠାନ କମିଟି ପକ୍ଷରୁ ଯାଂଚ କରାଯାଇଥିଲା। ଏଥିପାଇଁ ନିରାକାରପୁର ଷ୍ଟେସନ ମାଷ୍ଟର ଙ୍କ ଜରିଆରେ ଖୋର୍ଦ୍ଧାରୋଡ ରେଳ ମଣ୍ଡଳ ଅଧିକାରୀ ଙ୍କୁ ଏକ ଦାବି ପତ୍ର କମିଟି ଦ୍ବାରା ଆଜି ପ୍ରଦାନ କରାଯାଇଛି।