ଭୁବନେଶ୍ୱର,୨୮/୧୨/୨୦୨୫(ଓଡ଼ିଶା ସମାଚାର)-ଝୁମକା ଠାରେ ୧୯୯୬ ମସିହା ଦେବରାୟ ମହାବିଦ୍ୟାଳୟର କିଛି ବିଦ୍ୟାର୍ଥୀ ଏକାଠି ହୋଇ ବନ୍ଧୁମିଳନରେ ଏକତ୍ର ହେବା ସହିତ ଝୁମକା ଡ୍ୟାମ ଓ ଏହାର ପ୍ରାକୃତିକ ସୌନ୍ଦର୍ଯ୍ୟ ଭ୍ରମଣ କରିବା ସହିତ ନିଜନିଜ ସ୍ତରରେ ପରିବେଶ ସୁରକ୍ଷାଦିଗରେ କାର୍ଯ୍ୟକ୍ରମ କରିବା ପାଇଁ ସଂକଳ୍ପ ନେଇଥିଲେ । ଶୈଳେନ୍ଦ୍ର ରାୟଙ୍କ ସଂଯୋଜନା ସହିତ ମନୋଜ ବେହୁରା, ସୁଜୟ, ବିଭୁତି ପରିଚାଳନାରେ ଏକ ବନ୍ଧୁମିଳନ, ପରିବେଶ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ଏକତ୍ର ହୋଇଥିବା ବନ୍ଧୁମାନେ କିଏ ବୈଜ୍ଞାନିକ, ସାମ୍ବାଦିକ, ସାମାଜିକ କର୍ମୀ ସହିତ ବହୁ ସମ୍ମାନସ୍ପଦ ପଦବୀରେ ଅଧିଷ୍ଠିତ ହୋଇ ସମାଜ ପାଇଁ କାର୍ଯ୍ୟ କରି ଆସୁଛନ୍ତି । ଓଡିଶାର ପ୍ରାକୃତିକ ସମ୍ପଦ ପର୍ୟ୍ୟଟନସ୍ଥଳୀ ମଧ୍ୟରେ ରାଜଧାନୀରୁ ମାତ୍ର ୧୯ କିମି ଦୂରରେ ଥିବା ଝୁମକା ଏକ ସ୍ୱତନ୍ତ୍ର ମାନ୍ୟତା ହାସଲ କରିଛି । ସମସ୍ତ ପର୍ୟ୍ୟଟନ ସ୍ଥଳୀକୁ ସଫାସୁତୁରା ରଖିବା ସହ ପରିବେଶର ସନ୍ତୁଳନ ପାଇଁ ବୃକ୍ଷରୋପଣର ଆବଶ୍ୟକତା ଅଛି ବୋଲି ଅରବିନ୍ଦ ତ୍ରିପାଠୀ ମତବ୍ୟକ୍ତ କରିବା ସହ ବନ୍ଧୁତ୍ବର ବିକଳ୍ପ ନାହିଁ ଓ ଉତ୍ତମ ବନ୍ଧୁମାନଙ୍କ ସହଯୋଗରେ ସମାଜରେ ଏକ ବୈପ୍ଲବିକ ପରିବର୍ତ୍ତନ ଆସିପାରିବ ବୋଲି ମତବ୍ୟକ୍ତ କରାଯାଇଥିଲା । କାର୍ଯ୍ୟକ୍ରମକୁ ଆଶୁତୋଷ ଲେଙ୍କା,ଅଶୋକ, ବିଭୁତି ସିଂ, ଗୀତା, ଅନିତା ପ୍ରମୁଖ ପରିଚାଳନା କରିଥିଲେ ।
