ମା ମଙ୍ଗଳା ମହିଳା ସ୍ୱୟଂ ସହାୟକ ଗୋଷ୍ଟିର ଧାନମଣ୍ଡି ଉଦଘାଟିତ

ଦଶରଥପୁର, ୦୮/୦୧/୨୦୨ ୪ (ଓଡ଼ିଶା ସମାଚାର)- ଦଶରଥପୁର ବ୍ଲକ ଡାହାଣହତା ପଞ୍ଚାୟତସ୍ତ ଦେଓପଡ଼ା ମା ମଙ୍ଗଳା ସ୍ୱୟଂ ସହାୟକ ଗୋଷ୍ଟି ପକ୍ଷରୁ ଖରିଫ ଧାନ ସଂଗ୍ରହ ପାଇଁ ସୋମବାର ଧାନମଣ୍ଡି ଉଦଘାଟିତ ହୋଇଯାଇଛି । ଯାଜପୁର ବିଧାୟକ ପ୍ରଣବ ପ୍ରକାଶ ଦାସଙ୍କ ପ୍ରତିନିଧି ତଥା ଯାଜପୁରର ବରିଷ୍ଠ ବିଜେଡି ନେତା କର୍ଣ୍ଣାଟ କେଶରି ଦାସ ଯୋଗଦେଇ ଧାନମଣ୍ଡିଟିକୁ ଉଦଘାଟନ କରିଥିବା ବେଳେ ମଣ୍ଡି ଉଦଘାଟନ ଉତ୍ସବରେ ସମ୍ମାନିତ ଅତିଥିଭାବେ ଡାହାଣହତା ପଞ୍ଚାୟତର ସରପଞ୍ଚ ପଦ୍ମାବତୀ ବିଶ୍ୱାଳ, ସ୍ୱୟଂ ସହାୟକ ଗୋଷ୍ଟିର ସଭାନେତ୍ରୀ ଜ୍ୟୋତିର୍ମୟୀ ମହାନ୍ତି, ସମ୍ପାଦିକା ଅପରାଜିତା ଖୁଣ୍ଟିଆ, ସମିତିସଭ୍ୟା ସସ୍ମିତା ଜେନା, ବ୍ଲକ ବିଜେଡି ସଭାପତି ଅଜୟ କୁମାର ମହାନ୍ତି, ଜିଲ୍ଳାପରିଷଦ ସଭ୍ୟା ମାମିନା ମଲ୍ଲିକ, ପୂର୍ବତନ ସରପଞ୍ଚ ଗୋବିନ୍ଦ ଜେନା ବିପିସି ସଞ୍ଜୟ କୁମାର ମଲ୍ଲିକ, ଆରଏମସି ପକ୍ଷରୁ ଅମୁଲ୍ୟ କୁମାର ନାୟକ ପ୍ରମୁଖ ଯୋଗଦେଇ ଥିଲେ । କାର୍ୟ୍ୟକ୍ରମ ପରିଚାଳନାରେ ଦିଲୀପ ବେହେରା, ରବିନ୍ଦ୍ର ରାଉତ, ନକୁଳି ନାୟକ ପ୍ରମୁଖ ସହଯୋଗ କରିଥିଲେ ।