ରହରି ସାହୁ ସଭାପତି ,ହୃଦାନନ୍ଦ ମହାରଣା ସମ୍ପାଦକ
ଭୁବନ ୧୯/୧୧/୨୦୨୪ (ଓଡ଼ିଶା ସମାଚାର)-ଢେଙ୍କାନାଳ ଜିଲ୍ଲାର ଅନ୍ୟତମ ପ୍ରସିଦ୍ଧ ଶୈବପୀଠ ଭୁବନର ବାବା ବୁଦ୍ଧେଶ୍ଵର ମନ୍ଦିର ନୂତନ ପରିଚାଳନା କମିଟି ଗଠିତ ହୋଇଯାଇଛି । ବୁଦ୍ଧେଶ୍ଵର ମନ୍ଦିର ପ୍ରାଙ୍ଗଣରେ ଦେବୋତ୍ତର ଇନ୍ସପେକ୍ଟର ପ୍ରଦ୍ୟୁମ୍ନ ତ୍ରିପାଠୀ ଓ ସଦର ସହକାରୀ ଉପଜିଲ୍ଲାପାଳ ମୀରା ନାୟକ,ଏନ୍ ଏ ସି ନିର୍ବାହୀ ଅଧିକାରୀ ରାଜୀବ ଲୋଚନ ବେହେରା ଙ୍କ ଉପସ୍ଥିତି ରେ ସର୍ବ ସମ୍ମତ କ୍ରମେ ୨୩ ଜଣିଆ କମିଟି ଗଠନ କରାଯାଇଥିଲା । ନୂତନ କମିଟି ରେ ପୂର୍ବତନ ନଗରପାଳ ନରହରି ସାହୁ ( ସଭାପତି) ,ପୂର୍ବତନ ଉପ ନଗରପାଳ ହୃଦାନନ୍ଦ ମହାରଣା ( ସମ୍ପାଦକ),ବିପିନ ବିହାରୀ ସେଠୀ ( ଉପ ସଭାପତି),ସନ୍ତୋଷ ବିହାରୀ (ସହ ସମ୍ପାଦକ),ସୁରେନ୍ଦ୍ର କୁମାର ପୃଷ୍ଟି ଙ୍କୁ ( କୋଷାଧ୍ୟକ୍ଷ) ଭାବେ ଚୟନ କରାଯାଇଥିଲା । ନୂତନ କମିଟି ଆଗାମୀ ଦୁଇ ବର୍ଷ ପାଇଁ ମନୋନୀତ ହୋଇଛନ୍ତି ।ଜଣେ ନିର୍ବିବାଦୀୟ,ନିଷ୍କଳଙ୍କ ଓ ନିଃସ୍ଵାର୍ଥପର ବ୍ୟକ୍ତି ଭାବେ ପରିଚିତ ପୂର୍ବତନ ନଗରପାଳ ଶ୍ରୀଯୁକ୍ତ ନରହରି ସାହୁ ବୁଦ୍ଧେଶ୍ଵର ମନ୍ଦିର ପରିଚାଳନା କମିଟି ସଭାପତି ହୋଇଥିବାରୁ ସମଗ୍ର ଭୁବନରେ ଆନନ୍ଦ ପ୍ରକାଶ ପାଇଛି। ସୂଚନା ଯୋଗ୍ୟ ଯେ , ପୂର୍ବତନ କମିଟି ର କାର୍ଯ୍ୟକାଳ ୨୦୨୫ ଜାନୁଆରୀ ମାସ ପର୍ଯ୍ୟନ୍ତ ଥିବାବେଳେ ଗତ ସେପ୍ଟେମ୍ବର ମାସରେ କମିଟି ର ସମସ୍ତ ସଦସ୍ୟ ଇସ୍ତଫା ଦେବାରୁ ନୂତନ କମିଟି ଗଠନ କରାଯାଇଥିଲା।
