ସିର୍ଲୋରେ ବୋଇତ ବନ୍ଦାଣ ମହୋତ୍ସବ ମହାସମାରୋହରେ ଅନୁଷ୍ଠିତ 

କଟକ ସଦର ,୧୫ /୧୧/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): କଟକ ସଦର ଅନ୍ତର୍ଗତ ନିଶ୍ଚିନ୍ତକୋଇଲି ବ୍ଲକ୍ ସିର୍ଲୋ ବ୍ରହ୍ମପୁର ଠାରେ ଆଜି ଶୁକ୍ରବାର ମହାକାର୍ତିକ ପୂର୍ଣ୍ଣିମାରେ ୩୨ ତମ ଆଞ୍ଚଳିକ ବୋଇତ ବନ୍ଦାଣ ମହୋତ୍ସବ ସାଧୁସନ୍ଥ ସମ୍ମିଳନୀ ଓ ଭାଗବତ କଥାମୃତ ମହାସମାରୋହରେ ଆଧ୍ୟାତ୍ମିକ ପରିବେଶ ମଧ୍ୟରେ  ଅନୁଷ୍ଠିତ ହୋଇଯାଇଛି। ଏଥିରେ ବହୁ ସାଧୁସନ୍ଥ ଙ୍କ ସମେତ ବିଶିଷ୍ଟ ପ୍ରଵଚକ ବାବା ଦିବାକର ଦାସ ମହାରାଜ,ସମାଜ ସୁଧାରକ କଵି ଡାକ୍ତର ଶୁଭ କୁମାର ଙ୍କ ସମେତ ଅନେକ ବିଶିଷ୍ଟ ବ୍ୟକ୍ତିବିଶେଷ ଯୋଗଦେଇଥିଲେ। ସମାରୋହରେ କଟକ ସଦର ବିଧାୟକ ଇଂ ପ୍ରକାଶ ଚନ୍ଦ୍ର ସେଠୀ ଯୋଗ ଦେଇ ଐତିହ୍ୟ, ସଂସ୍କୃତି ଓ ପରମ୍ପରାକୁ ଉଜ୍ଜୀବିତ ରଖିବାକୁ ଏଠାରେ ପ୍ରଚେଷ୍ଟା ଚଳାଇଥିବା ଆୟୋଜକ ମାନଙ୍କୁ ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମ ସଂଯୋଜନାରେ ରଘୁନାଥ ଚୈ।ଧୁରୀ ଓ ପରିଚାଳନା ରେ ଉତ୍କଳ ବିକାଶ ପରିଷଦ ସଭାପତି ଇଂ ପ୍ରଭାତ କୁମାର ସେଠୀ ଙ୍କ ସମେତ ସ୍ଥାନୀୟ ଜନସାଧାରଣ ସହାୟତା କରିଥିଲେ। ଏଠାରେ ମିନି ବାଲିଯାତ୍ରା ର ଭ୍ରମ ପରିଲକ୍ଷିତ ହୋଇଥିଲା। ସେହିପରି ସିର୍ଲୋ ବ୍ରାହ୍ମଣଖଣ୍ଡ ଠାରେ ଥିବା ମହାନଦୀର ଐତିହାସିକ ପାଣ୍ଡବ ଘାଟ ଠାରେ ମହାବୀର ସେନା ପକ୍ଷରୁ ବୋଇତ ବନ୍ଦାଣ ଉତ୍ସବ ଅନୁଷ୍ଠିତ ହୋଇଯାଇଛି।