କଟକ ସଦର ,୧୫ /୧୧/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା)- କଟକ ସଦର ଅନ୍ତର୍ଗତ ଅଥଙ୍ଗା ଠାରେ ଆଜି ଶୁକ୍ରବାର ମହା କାର୍ତ୍ତିକ ପୂର୍ଣ୍ଣମୀରେ ‘କଟକ ସଦର ବିକାଶ ମଞ୍ଚ’ ପକ୍ଷରୁ ୯୬ ବର୍ଷ ବୟସରେ ପଦାର୍ପଣ କରିଥିବା ଭାଗବତ ତୀର୍ଥ ପଣ୍ଡିତ କୃଷ୍ଣଚନ୍ଦ୍ର ନାଥ ଶର୍ମାଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଛି।
ଏହି ଉପଲକ୍ଷେ ବିକାଶ ମଞ୍ଚ ସଭାପତି ସୁବୋଧ ବେହେରା ଙ୍କ ସଂଯୋଜନା ରେ ଆୟୋଜିତ ସମ୍ବର୍ଦ୍ଧନା ସଭାରେ ଉପସଭାପତି ଚିତ୍ତରଞ୍ଜନ ମହାପାତ୍ର, ବିଶିଷ୍ଟ ସମାଜସେବୀ ଯୁଗୋଳ କିଶୋର ନାୟକ, ପ୍ରଫୁଲ୍ଲ ସିଂହ, କଟକ ସଦର ପଞ୍ଚାୟତ ସମିତି ଅଧ୍ୟକ୍ଷା ଭାଗ୍ୟଲକ୍ଷ୍ମୀ ରାଉତ,ସମର ବେହେରା, ରଜନୀକାନ୍ତ ସାହୁ, ରାମଚନ୍ଦ୍ର ଗୋଛାୟତ, ହୃଦାନନ୍ଦ ଆଚାର୍ଯ୍ୟ, କିଶୋର ସାହୁ, କାଳିନ୍ଦୀ ସ୍ବାଇଁ, ପ୍ରମୋଦ ରାଉତ, ତ୍ରିଲୋଚନ ସ୍ବାଇଁ, ହିମାଂଶୁ ଦାସ ପ୍ରମୁଖ ବହୁ ବ୍ୟକ୍ତିବିଶେଷ ଯୋଗଦେଇ ପଣ୍ଡିତ ମହାଶୟଙ୍କୁ ସମ୍ବର୍ଦ୍ଧିତ କରି ତାଙ୍କର ଦୀର୍ଘ ନିରାମୟ ଜୀବନ କାମନା କରିଥିଲେ। ଶେଷରେ ପଣ୍ଡିତ ନନ୍ଦ ଶର୍ମାଙ୍କ ସୁପୁତ୍ର ସ୍ୱନାମଧନ୍ୟ ହୋମିଓ ଡାକ୍ତର ଦେବଦତ୍ତ ନନ୍ଦ ଧନ୍ୟବାଦ ଅର୍ପଣ କରିଥିଲେ।
ଭାଗବତ ତୀର୍ଥ ପଣ୍ଡିତ କୃଷ୍ଣଚନ୍ଦ୍ର ନାଥ ଶର୍ମାଙ୍କୁ ଭବ୍ୟ ସମ୍ବର୍ଦ୍ଧନା
