କନ୍ଦରପୁର କଳାଵିହାର ଠାରେ ସ୍ବେଛାକୃତ ରକ୍ତଦାନ ଶିବିର,୫୧ ୟୁନିଟ ରକ୍ତ ସଂଗ୍ରହ 

କଟକ ସଦର, ୦୧/୯/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): ପୂର୍ବ ପ୍ରସ୍ତୁତି ଅନୁଯାୟୀ ବିଷ୍ଣୁପ୍ରିୟା ଚାରିଟେବୁଲ ଟ୍ରଷ୍ଟ ଓଡ଼ିଶା ପକ୍ଷରୁ ଏଵଂ ସରସ୍ଵତୀ କଳା ପରିଷଦ କନ୍ଦରପୁର ଆନୁକୁଲ୍ୟରେ ଆଜି ରବିବାର ଦିନ କନ୍ଦରପୁର କଳାଵିହାର ଠାରେ ଥିବା ଉମାକାନ୍ତ ମଣ୍ଡପ ପରିସରରେ ସ୍ବେଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ୫୧ ଜଣ ରକ୍ତଦାତା ଜୀବନ ଦାତାଙ୍କ ଠାରୁ ଭ୍ରାମ୍ୟମାଣ ଶୀତତାପ ନିୟନ୍ତ୍ରିତ ରକ୍ତ ସଂଗ୍ରହ ଗାଡ଼ିରେ ରକ୍ତ ସଂଗ୍ରହ କରାଯାଇଥିଲା। ଶିବିର କୁ ଟ୍ରଷ୍ଟ ର ଅଧ୍ୟକ୍ଷ ଇଂ ବିମଳ ଦାସ ଓ ପରିଷଦର ପ୍ରତିଷ୍ଠାତା ସଂପାଦକ ଅଶୋକ ପଟ୍ଟନାୟକ ମିଳିତଭାବେ ଉଦଘାଟନ କରିଥିବା ବେଳେ ପରିଚାଳନାରେ ପରିଷଦର ଛାତ୍ର ଛାତ୍ରୀ ଙ୍କ ସମେତ ସଭାପତି ପ୍ରତିଭା ଶତପଥୀ, ମିଡ଼ିଆ ସଂଯୋଜକ ସେବକ ଇଂ ଶ୍ରୀକାନ୍ତ,ପ୍ରକୋପ ନାରାୟଣ ମହାପାତ୍ର, ପ୍ରାଧ୍ୟାପକ ପ୍ରଫୁଲ୍ଲ ଦାସ, ଅଧ୍ୟାପକ ସେଖ୍ କଲି ମୁଲ୍ଲା, ଦୈତାରି ପ୍ରଧାନ, ଦୂର୍ଗା ପ୍ରସାଦ ପରିଡ଼ା, ସୂରଜ ବେଉରା,ବିଜନ ବାରିକ, ବାପୁନ୍ ଭୋଇ, ଅକ୍ଷୟ ଓଝା, ଅଭିମନ୍ୟୁ ସାହୁ, ସ୍ନିଗ୍ଧା ପଟ୍ଟନାୟକ,ପ୍ରିୟାଂଶି ସାହୁ, ଅର୍ପିତା ରାଉତ ପ୍ରମୁଖ ସହାୟତା କରିଥିଲେ।