ସର୍ଟ ସର୍କିଟ ରୁ ସୋମପୁର ୟୁନିୟନ ବ୍ୟାଙ୍କ ରେ ଲାଗିଲା ନିଆଁ, ବିଦ୍ୟୁତ ବିଭାଗର ଦାୟିତ୍ବହୀନତା କୁ ଦାୟୀ କଲେ ଲୋକେ 

କଟକ ସଦର,୨୫/୮/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): କଟକ ପାରାଦୀପ ରାସ୍ତା କଡରେ ଥିବା ୟୁନିୟନ ବ୍ୟାଙ୍କ ସୋମପୁର ଶାଖା ରେ ଆଜି ରବିବାର ଅପରାହ୍ନରେ ସର୍ଟ ସର୍କିଟ ଯୋଗୁଁ ନିଆଁ ଲାଗିଥିଵା ଜଣାପଡିଛି। ରବିବାର ପାଇଁ ବ୍ୟାଙ୍କ ଛୁଟି ଥିବାରୁ କ୍ଷୟ କ୍ଷତି ଜଣାପଡ଼ିନଥିବା ବେଳେ କାଗଜ ପତ୍ର ଓ ଆସବାବପତ୍ର ପୋଡ଼ି ଭସ୍ମୀଭୂତ ହୋଇଥିବା ପ୍ରତ୍ୟକ୍ଷଦର୍ଶୀ ଙ୍କ ଠାରୁ ଜଣାପଡିଛି। ସ୍ଥାନୀୟ ଅଞ୍ଚଳର ବ୍ୟାଙ୍କ କର୍ମଚାରୀ ଖଵର ପାଇ ବ୍ୟାଙ୍କରେ ପହଞ୍ଚି ସଟର ଖୋଲି ଵାରୁ ଭିତର ପୁରା ଧୁଆଁ ମୟ ହୋଇଯାଇଥିବା ଦେଖାଯାଇଥିଲା। ସ୍ଥାନୀୟ ଲୋକେ ସାହସିକତାର ସହ ଭିତରେ ପଶି ପାଣି ପକାଇ ନିଆଁ କୁ ଆୟତ କରିଥିବା ବେଳେ ଖଵର ପାଇ ଦମକଳ ବାହିନୀ ପ‌ହଞ୍ଚି ନିଆଁ ଲିଭାଇଥିଲେ। ଗତକାଲି ଠାରୁ ବ୍ୟାଙ୍କ କୁ ସଂଯୋଗ ହୋଇଥିବା ବିଦ୍ୟୁତ୍ ତାରରେ ତୃଟି ଦେଖାଯିବା ସମ୍ପର୍କରେ କିଶନନଗର ଟିପିସିଓଡିଏଲ କନିଷ୍ଠ ପରିଚାଳକ ଙ୍କୁ ବାରମ୍ବାର ଅଭିଯୋଗ କରାଯାଇଥିଲେ ମଧ୍ୟ ତାଙ୍କର ଖାମଖିଆଲ ମନୋଭାବ ପାଇଁ ଆଜି ଏଭଳି ଅବସ୍ଥା ସୃଷ୍ଟି ହେଲା ବୋଲି ଅଭିଯୋଗ ହେଉଛି।