କଟକ ସଦର ,୧୯/୮/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): ଅଗ୍ରଣୀ ସ୍ବେଚ୍ଛାସେବୀ ଅନୁଷ୍ଠାନ ‘କଟକ ସଦର ବିକାଶ ମଞ୍ଚ ‘ ପକ୍ଷରୁ ଆଜି 
ସୋମବାର ରାକ୍ଷୀ ପୂର୍ଣ୍ଣୀମା ଅବସରରେ କଟକ ପୂର୍ବାଞ୍ଚଳର ପ୍ରସିଦ୍ଧ ଶୈବପୀଠ ପରମହଂସ ନାଥ ଦେବଙ୍କ ମନ୍ଦିର ବେଢ଼ାରେ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏଥିରେ ମୂଖ୍ୟ ଅତିଥି ଭାବେ କଟକ ସଦର ପଞ୍ଚାୟତ ସମିତି ଅଧ୍ୟକ୍ଷା ଭାଗ୍ୟଲକ୍ଷ୍ମୀ ରାଉତ
ଯୋଗ ଦେଇଥିବା ବେଳେ ଅନ୍ୟମାନଙ୍କ ମଧ୍ୟରେ ବରିଷ୍ଠ ସମାଜସେବୀ ପ୍ରଫୁଲ୍ଲ ସିଂହ, ପରମହଂସ ସରପଂଚ ଅଶୋକ ପାତ୍ର, କଟକ ସଦର ବ୍ଲକର ପୂର୍ବତନ କଂଗ୍ରେସ ସଭାପତି ରାମଚନ୍ଦ୍ର ଗୋଛୟତ, ସରସ୍ଵତୀ ମଲ୍ଲିକ, ବିଶାଲ ମଲ୍ଲିକ ପ୍ରମୁଖଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ ସାମିଲ ହୋଇଥିଲେ। କାର୍ଯ୍ୟକ୍ରମ ପରିଚାଳନାରେ ମଞ୍ଚର ସଭାପତି ସୁବୋଧ ବେହେରା, ବରିଷ୍ଠ ଉପଦେଷ୍ଟା ବିଳାସ ମଲ୍ଲିକ, ଉପସଭାପତି ଚିତ୍ତରଞ୍ଜନ ମହାପାତ୍ର ପ୍ରମୁଖ ସହାୟତା କରିଥିଲେ।
