ନୂଆଗାଁ ପ୍ରାଚୀ ମଣ୍ଡପରେ ବିଧାୟକ ଇଂ ଛବି ମଲ୍ଲିକଙ୍କୁ ସମ୍ବର୍ଦ୍ଧନା

ନିଆଳୀ ୧୦/୮/୨୦୨୪ (ଓଡ଼ିଶା ସମାଚାର)-ନିଆଳୀ ବ୍ଲକ ଅନ୍ତର୍ଗତ ନୂଆଗାଁ ସଂଖ୍ୟାଲଘୁ ସଂପ୍ରଦାୟ ପକ୍ଷରୁ ନବ ନିର୍ବାଚିତ ବିଧାୟକ ଛବି ମଲ୍ଲିକଙ୍କୁ ଉତ୍ତରୀୟ ଓ ପୁଷ୍ପଗୁଚ୍ଛ ଦେଇ ସମ୍ବର୍ଦ୍ଧନା ଦିଆଯାଇଛି । ନୂଆଗାଁ ସ୍ଥିତ ପ୍ରାଚୀମଣ୍ଡପରେ ଅନୁଷ୍ଠିତ  ଏହି ଉତ୍ସବରେ ନୂଆଗାଁ ପଞ୍ଚାୟତ ସରପଞ୍ଚ ଜ୍ୟୋତି ରଞ୍ଜନ ମଲ୍ଲିକଙ୍କ ସଭାପତିତ୍ବରେ ମୁଖ୍ୟ ଅତିଥି ଭାବେ ବିଧାୟକ ଛବି ମଲ୍ଲିକ ଯୋଗ ଦେଇଥିଲେ. । ମୁଖ୍ୟ ବକ୍ତା ଭାବେ ବିଜେପିନେତା ଶଶିକାନ୍ତ ଲେଙ୍କା, ସମ୍ମାନୀତ ଅତିଥି ଭାବେ ବିଜେପିର ରାଜ୍ୟପ୍ରବକ୍ତ। ରାଜେନ୍ଦ୍ର ପ୍ରସାଦ ପଣ୍ଡା, ଓଡ଼ିଶା ଓବିସି ମୋର୍ଚ୍ଚାର ଉପସଭାପତି ସୁକାନ୍ତ ବିଶ୍ବାଳ ପ୍ରମୁଖ ଯୋଗଦେଇଥିଲେ । ଏହି ଉତ୍ସବରେ ସେକ୍ ମହିଉଦିନ, ମଲ୍ଲିକ୍ ୟାକୁବ, ଅମିୟ ନାୟକ, ସେକ୍ ହମ୍‌ସର, ମଲିକ ବେଲାଲ, ମଲିକ ଅଲାମ, ସେକ୍ ଆବୁସାମା, ସେକ୍ ନୁରା, ସେକ୍ ସୁନିଲ ପ୍ରମୁଖ ଯୋଗଦେଇଥିବା ବେଳେ ସେକ ଅଲତାବ ଧନ୍ୟବାଦ ଦେଇଥିଲେ ।