କେଶରୀ ୟୁଥ୍ କ୍ଳବ୍ ପକ୍ଷରୁ ସୁପର ମୀନା ବଜାର ଉଦଘାଟିତ

କଟକ ସଦର, ୨୨/୭/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): କଟକ ସଦର ଅନ୍ତର୍ଗତ ଆୟତପୁର ପଞ୍ଚାୟତ ୫୫ ନମ୍ବର ଜାତୀୟ ରାଜପଥ କଡ଼ରେ ଥିବା କେଶପୁର ଠାରେ କେଶରୀ ୟୁଥ୍ କ୍ଳବ୍ ଆନୁକୁଲ୍ୟରେ ୧୫ ଦିନ ପାଇଁ ଅନୁଷ୍ଠିତ ହେବାକୁ ଥିବା ସୁପର ମୀନା ବଜାର ଉଦଘାଟିତ ହୋଇଯାଇଛି। ଏହାକୁ ସ୍ଥାନୀୟ ଜିଲ୍ଲା ପରିଷଦ ସଭ୍ୟ ପ୍ରଦୀପ୍ତ ମହାଳି ଉଦଘାଟନ କରିଥିବା ବେଳେ ଏଥିରେ ଅତିଥି ଭାବେ ପୂର୍ବତନ ଜିଲ୍ଲା ପରିଷଦ ସଭ୍ୟ ହୃଷିକେଶ ଜେନା, ନିମାଇଁ ଚରଣ ମହାପାତ୍ର,ଅଭୟ ସ୍ୱ।ଇଁ, ନିରଞ୍ଜନ ରାଉଳ ପ୍ରମୁଖ ଯୋଗ ଦେଇଥିଲେ। ଏହାକୁ କେଶରୀ ୟୁଥ୍ କ୍ଳବ୍ ର ସଭାପତି ଦୀପକ କୁମାର ହାତୀ, ଉପସଭାପତି ପ୍ରଭାତ ସ୍ୱ।ଇଁ, ସମ୍ପାଦକ ସୁଶାନ୍ତ ରାଉତଙ୍କ ସମେତ ସମସ୍ତ ସଭ୍ୟ ପରିଚାଳନାରେ ସହାୟତା କରୁଥିବା ଜଣାପଡିଛି। ପ୍ରଥମ ଦିନରୁ ପିଲାଙ୍କ ଦୋଳୀ,ଖାଇବା ଚଟପଟି ଓ ବିଭିନ୍ନ ଘରକରଣା ଷ୍ଟଲ ସମ୍ମୁଖରେ ଭୀଡ ପରିଲକ୍ଷିତ ହେଉଛି।