ନିରାକାରପୁର, ୦୨/୧୨/୨୦୨୩ (ଓଡ଼ିଶା ସମାଚାର)-କବି ପ୍ରସନ୍ନ ପ।ଟ୍ଟଶାଣୀ ଆଞ୍ଚଳିକ ଉଚ୍ଚ ମାଧ୍ୟମିକ ବିଦ୍ୟାଳୟରେ ରେଡ଼କ୍ରସ, ଜାତୀୟ ସେବା ସଂସ୍ଥା ଏବଂ ସ୍କାଉଟ ଆଣ୍ଡ ଗାଇଡ଼ର ମିଳିତ ସହଯୋଗରେ ବିଶ୍ୱ ଏଡ଼ସ ଦିବସ ପାଳିତ ହୋଇଯାଇଅଛି । ଏହି ଅବସରରେ ଅନୁଷ୍ଠିତ ହୋଇଥିବା ସଭାକୁ ଅଧ୍ୟକ୍ଷ ଶ୍ରୀଯୁକ୍ତ ମିହିର ଚନ୍ଦ୍ର ମହାପାତ୍ର ସଭାପତିତ୍ବ କରି ଛାତ୍ରଛାତ୍ରୀମାନଙ୍କୁ ଏଡସର ଭୟାବହତ। ଏବଂ ନିରାକରଣ ସମ୍ପର୍କରେ ଧାରଣା ଦେଇଥିଲେ । ଏହି ସଭାରେ ମଳିପଡ଼ା ସ୍ୱାସ୍ଥ୍ୟକେନ୍ଦ୍ରର ସ୍ୱାସ୍ଥ୍ୟକର୍ମୀ ଶ୍ରୀ ଗୋପୀନାଥ ପଲାଇ ଶିକ୍ଷାର୍ଥୀମାନଙ୍କୁ ଏଡ଼ସ ସମ୍ବନ୍ଧ ରେ ସଚେତନକରାଇଥିଲେ । ଏହି ସଭାରେ ରେଡକ୍ରସ ଅଧିକାରୀ ଶ୍ରୀ ପ୍ରାଣେଶ୍ୱର ଜୟସିଂ, ସ୍କାଉଟ ଆଣ୍ଡ ଗାଇଡ଼ ଅଧିକାରୀ ଶ୍ରୀ କିଶୋର କୁମାର ସାହୁ, ଜାତୀୟ ସେବା ସଂସ୍ଥା ଅଧିକାରୀଣୀ ପ୍ରିୟଙ୍କା ସ୍ୱାଇଁ ଯୋଗ ଦେଇଥିଲେ । କ୍ରୀଡା ଶିକ୍ଷକ ଶ୍ରୀ ଦେବେନ୍ଦ୍ର କୁମାର ନନ୍ଦଙ୍କ ତତ୍ୱାବଧାନରେ ଉଚ୍ଚ ମାଧ୍ୟମିକ ବିଦ୍ୟାଳୟର ଛାତ୍ରଛାତ୍ରୀମାନେ ଏଡ଼ସ ସମ୍ବନ୍ଧୀୟ ସ୍ଲୋଗାନ ସହ ପଦଯାତ୍ରା କରିଥିଲେ ।ଏହି କାର୍ଯ୍ୟକ୍ରମରେ ସମସ୍ତ ଅଧ୍ୟାପକ ଓ ଅଧ୍ୟାପିକାମାନେ ଯୋଗଦେଇ ଛାତ୍ର ଛାତ୍ରୀମାନଙ୍କର ପଥପ୍ରଦର୍ଶନ କରିଥିଲେ ।
