ବନ୍ଧମୁଣ୍ଡା ରାସ୍ତାର ମରାମତି ପାଇଁ NH ବିଭାଗକୁ ଶ୍ରମମନ୍ତ୍ରୀଙ୍କ 21 ଲକ୍ଷ ଟଙ୍କା ଅନୁଦାନ 

 ରାଉରକେଲା,୧୦/୦୩/୨୦୨୪ (ଓଡ଼ିଶା ସମାଚାର)- ମୁଖ୍ୟ ସଡକ ବନ୍ଧମୁଣ୍ଡା ଠାରୁ ରାଉରକେଲାକୁ ସଂଯୋଗ ହୋଇଥିବା  ମୁଖ୍ୟ ରାସ୍ତା ଯାହା ବର୍ତ୍ତମାନ ଅନ୍ତଃ  ରାଜ୍ୟ ସଡକର ମାନ୍ୟତା ପାଇଛି ତାହା ଦୀର୍ଘ ଦିନରୁ ଅବହେଳିତ ହୋଇ ପଡ଼ିଥିଲା । ଯାହା ବିଭାଗୀୟ ଉଦାସୀନତା ଏବଂ ନବୀକରଣରେ ବିଳମ୍ବ ହେତୁ ଅନେକ ସ୍ଥାନରେ ଖାଲ ଧିପରେ ରେ ପରିଣତ ହୋଇଥିଲା  | ସ୍ଥାନୀୟ ନେତାମାନେ ବାରମ୍ବାର ବିଭାଗର ଦୃଷ୍ଟି ଆକର୍ଷଣ କରିଥିଲେ ମଧ୍ୟ ଖୁବ ଶୀଘ୍ର କାର୍ଯ୍ୟ ଆରମ୍ଭ କରିବାର ଆବଶ୍ୟକତା ଦର୍ଶାଇ ବିଭାଗ ଅନେକ ମାସ ଧରି ବିଳମ୍ବ କରିଆସୁଥିଲେ । ବିଭାଗୀୟ ଅଧିକାରୀ କହିଛନ୍ତି ଯେ NH ଭାବରେ ଏକ ନୂତନ ରାସ୍ତା ଘୋଷଣା ହେବା ପରେ ସଡକ ମରାମତି ପାଇଁ ବିଭାଗରେ ପାଣ୍ଠି ଉପଲବ୍ଧ ନାହିଁ  ବରଂ କାର୍ଯ୍ୟ ଶେଷ କରିବା ପାଇଁ ଟେଣ୍ଡର ଦିଆଯାଉଛି । ସେହି କ୍ରମରେ ସ୍ଥାନୀୟ ବାସିନ୍ଦା ତଥା ବନ୍ଧମୁଣ୍ଡା ବିଜୁ ଜନତା ଦଳର ନେତୃତ୍ୱ ଗୋଷ୍ଠୀ ଡି ଅଭିକ୍ କୁମାର ଏବଂ ଭୁଜୀ ରାଓ ଓଡିଶାର ରାଉରକେଲା ବିଧାୟକ ତଥା  ଶ୍ରମ ମନ୍ତ୍ରୀ ଶ୍ରୀ ସାରଦା ପ୍ରସାଦ ନାୟକଙ୍କ ଦୃଷ୍ଟି ଆକର୍ଷଣ କରିଥିଲେ। ଶ୍ରୀ ନାୟକ ଏହି ବିଷୟକୁ ଗମ୍ଭୀରତାର ସହ ନେଇ NH ବିଭାଗକୁ ଏକ ଚିଠି ଲେଖିଥିଲେ ଓ  ଯଥାଶୀଘ୍ର ରାସ୍ତା ମରାମତି କରି ବାକୁ କହିଥିଲେ।  ଫଳସ୍ୱରୂପ ବିଭାଗ 16 ଫେବୃଆରୀ ବିଳମ୍ବିତ ରାତିରୁ ରାସ୍ତା କାମ ଆରମ୍ଭ କରିଥିଲା । ଏହି କାର୍ଯ୍ୟ ପାଇଁ ଶ୍ରମ ମନ୍ତ୍ରୀ ଶରଦା ପ୍ରସାଦ ନାୟକଙ୍କ ଉଦ୍ୟମରେ ପ୍ରଥମେ ରାଜ୍ୟ ସରକାରଙ୍କ ପାଣ୍ଠିରୁ NH ବିଭାଗକୁ 5 ଲକ୍ଷ ଟଙ୍କା ପ୍ରଦାନ କରାଯାଇଥିଲା ଯାହା    ମାତ୍ର ରାସ୍ତାର  65 ମିଟର ମରାମତି ହୋଇପାରିଥିଲା । ପୁନଶ୍ଚ ଶ୍ରୀ ନାୟକ ବନ୍ଧମୁଣ୍ଡା ରାସ୍ତାର ମରାମତି ପାଇଁ NH ବିଭାଗକୁ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର ପାଣ୍ଠିରୁ 21 ଲକ୍ଷ ଟଙ୍କା ପ୍ରଦାନ କରିଥିଲେ । ମିଳିଥିବା ସୂଚନା ଅନୁଯାୟୀ, NH ବିଭାଗ ଟେଣ୍ଡର ପ୍ରକ୍ରିୟା ଶେଷ କରି ସୋମବାର ରାତିରୁ କାମ ଆରମ୍ଭ କରିବାକୁ କହିଛି। ଏଥି ପାଇଁ ଯୁବ ବିଜେଡି ପକ୍ଷରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ଶ୍ରମ ମନ୍ତ୍ରୀ ଶାରଦା ପ୍ରସାଦ ନାୟକ ଏବଂ NH ଅଧିକାରକୁ ଏକ ସ୍ମାରକପତ୍ର ପ୍ରଦାନ କରିଛନ୍ତି ।