ସୁଜନପୁର ପଂଚାୟତରେ ନୂତନ ହିତାଧିକାରୀଙ୍କୁ  ଭତ୍ତା ବଣ୍ଟନ ।

ଯାଜପୁର,୨୮/୦୨/୨୦୨୪ (ଓଡ଼ିଶା ସମାଚାର /ସୁରେଶ କୁମାର କର) – ବରୀ ନିର୍ବାଚନ ମଣ୍ତଳୀ , ଯାଜପୁର ବ୍ଲକ ଅନ୍ତର୍ଗତ ସୁଜନପୁର ପଂଚାୟତରେ ଆଜି ନୂତନ କରି ଯୋଗ୍ୟ ହିତାଧିକାରୀଙ୍କୁ  ଭତା ବଣ୍ଟନ କାର୍ଯ୍ୟକ୍ରମ ଶୁଭାରମ୍ଭ ହୋଇଅଛି । ଏହି ବଣ୍ଟନ କାର୍ଯ୍ୟକ୍ରମରେ ବରୀ ବିଧାୟିକା ଶ୍ରୀମତୀ ସୁନନ୍ଦା ଦାସ ଯୋଗ ଦେଇ ସୁଜନପୁର ସରପଂଚ ଶ୍ରୀମତୀ ବିଷ୍ଣୁପ୍ରିୟା ମହାକୁଡ ଙ୍କ ସହ ହିତାଧିକାରୀଙ୍କୁ ମଧୁବାବୁ ପେନସନ ରୁ ମଞ୍ଜୁରୀ ହୋଇଥିବା ଭତା ସହାୟତା ରାଶି ପ୍ରଦାନ କରିଛନ୍ତି । ଅନ୍ୟମାନଙ୍କ ମଧ୍ୟରେ ସମିତି ସଭ୍ୟ ନାରାୟଣ ଚନ୍ଦ୍ର ଜେନା , ପଂଚାୟତ ପର୍ଯ୍ୟବେକ୍ଷକ କୁଳମଣି ବିଶ୍ଵାଳ , ପଂଚାୟତ ସଭାପତି ବ୍ରହ୍ମାନନ୍ଦ ପଣ୍ଡା ,ଜିଆରଏସ ରବିନାରାୟଣ ନାୟକ ,  ସରପଂଚ ପ୍ରତିନିଧି ଗଣେଶ୍ୱର ମହାକୁଡ ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ । ସୂଚନା ଅନୁଯାୟୀ ଆଜି ମୋଟ ୫୪ ଜଣଙ୍କୁ ସେମାନଙ୍କ ପ୍ରାପ୍ୟ ପ୍ରଦାନ କରାଯାଇଅଛି । ନୂତନ ଭତା ପାଇବା ପରେ ହିତାଧିକାରୀମାନେ ସ୍ଥାନୀୟ ସରପଂଚ ଓ ଓଡ଼ିଶାର ପ୍ରିୟ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା ସହ ଧନ୍ୟବାଦ୍ ପ୍ରଦାନ କରିଛନ୍ତ ।