ବାଲିଗୁଡାରେ ମିନି ମାରାଥନ ଗଣଦୌଡ଼ ପ୍ରତିଯୋଗିତା 

ବାଲିଗୁଡା,୨୫/୦୧/୨୪:(ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ): ୭୫ତମ ସାଧାରଣତନ୍ତ୍ର ଦିବସ-୨୦୨୪ ଏବଂ ଜାତୀୟ ମତଦାତା ଦିବସ ପାଳନ ଅବସରରେ ପ୍ରତ୍ୟୁଷରେ ଉପଖଣ୍ଡ ପ୍ରଶାସନ ତରଫରୁ ଏକ ମିନି ମାରାଥନ ଗଣଦୌଡ଼ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ଆଇଟିଡିଏର ପ୍ରକଳ୍ପ ପ୍ରଶାସକ କୃପାସିନ୍ଧୁ ବେହେରା ଓ ଏନଏସି ଅଧ୍ୟକ୍ଷ ଗୋବିନ୍ଦ ଚନ୍ଦ୍ର ପ୍ରଧାନ ପତାକା ଦେଖାଇ ଆନୁଷ୍ଠାନିକ ଭାବେ ଉଦଘାଟନ କରିଥିଲେ । ଏହି ପ୍ରତିଯୋଗିତାରେ ଭାଗ ନେଇଥିବା ଉଭୟ ଛାତ୍ର ଛାତ୍ରୀ ଧଳା ପୋଷାକ ପରିଧାନ କରି ସ୍ଥାନୀୟ କଲେଜ ସମୁଖରୁ ବାହାରି ମହାଲକ୍ଷ୍ମୀ ପେଟ୍ରୋଲ ପମ୍ପ ନିକଟକୁ ଯାଇ ପୁଣି ଉପଜିଲ୍ଲାପାଳ କାର୍ଯ୍ୟାଳୟ ନିକଟକୁ ଫେରିଥିଲେ । ଏଥିରେ ଉପଖଣ୍ଡର ସମସ୍ତ ବିଭାଗୀୟ ଅଧିକାରୀଙ୍କ ସହ ଯୁବକ, ଯୁବତୀ, ଛାତ୍ରଛାତ୍ରୀ ଓ ଅଞ୍ଚଳବାସୀ ସାମିଲ ହୋଇଥିଲେ । ଗଣଦୌଡ଼ରେ ପ୍ରଥମ, ଦ୍ୱିତୀୟ ଓ ତୃତୀୟ ସ୍ଥାନରେ କୃତି ଅର୍ଜନ କରିଥିବା ତିନିଜଣ ଯୁବକ ଓ ତିନିଜଣ ଯୁବତୀଙ୍କୁ ସମ୍ମିଳିତ ପ୍ୟାରେଡ ଉତ୍ସବ ରେ ପୁରସ୍କୃତ କରାଯିବାର କାର୍ଯ୍ୟକ୍ରମ ରହିଛି । ଗଣଦୌଡ଼ ସମୟରେ ବାଲିଗୁଡା ଥାନା ଅଧିକାରୀ ସୁଶାନ୍ତ କୁମାର ସାହୁ ଙ୍କ ନିର୍ଦେଶରେ ସଦଳ ବଳ ପୋଲିସ ରାସ୍ତାଦୁଇ ପାର୍ଶ୍ୱ ଏବଂ  ସମସ୍ତ ଛକ ସ୍ଥାନ ମାନଙ୍କରେ ମୃତୟନ ରହି ସୁରକ୍ଷା ବ୍ୟବସ୍ଥାରେ ନିୟୋଜିତ ଥିଲେ ।