କିଶନନଗର ଚିନ୍ତାମଣି ବିଦ୍ୟାପୀଠ ରେ ସାହିତ୍ୟ ସୃଜନୀ କାର୍ଯ୍ୟକ୍ରମ 

କଟକ ସଦର,୨୨/୧୧/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): କଟକ ସଦର ଅନ୍ତର୍ଗତ କିଶନନଗର ଠାରେ ଥିବା ଚିନ୍ତାମଣି ନୋଡାଲ ହାଇସ୍କୁଲରେ ଆଜି ଶୁକ୍ରବାର ଦିନ ଓଡ଼ିଆ ଭାଷା ସାହିତ୍ୟ ସୃଜନୀ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି ଉପଲକ୍ଷେ ପ୍ରଧାନ ଶିକ୍ଷକ ପୀତବାସ ବେହେରା ଙ୍କ ସଭାପତିତ୍ବରେ ଆୟୋଜିତ ସୃଜନୀ ସଭାରେ ସ୍ଥାନୀୟ ସରପଞ୍ଚ ସୁଜାତା ସେଠୀ, ସସ୍ମିତା ବେହେରା, ପୁରାତନ ବିଦ୍ୟାର୍ଥୀ ପରିଷଦର ସଭାପତି ମହେନ୍ଦ୍ର ନାଥ ଓଝା, ସଂପାଦକ ଇଂ ଦେବବ୍ରତ ପାତ୍ର ପ୍ରମୁଖ ଯୋଗ ଦେଇ ଓଡ଼ିଆ ଭାଷା ସାହିତ୍ୟ ଉପରେ ଆଲୋକପାତ କରିଥିଲେ। ଏଥିରେ ରୋଜାଲିନା  ସ୍ୱ।ଇଁ ଅତିଥି ମାନଙ୍କ ପରିଚୟ ପ୍ରଦାନ କରିଥିବା ବେଳେ ଶେଷରେ ଗିରିଧାରୀ ଚରଣ ସେଠୀ ଧନ୍ୟବାଦ ଅର୍ପଣ କରିଥିଲେ। ଏହି ଅବସରରେ କ୍ରିଡାଙ୍ଗନ, ସାହିତ୍ୟ ସୃଜନୀ, ଜିଜ୍ଞାସା, କୈ।ଶଳି ହାଉସ୍ ରୁ ଭାଗ ନେଇଥିଵା କୃତି ପ୍ରତିଯୋଗୀଙ୍କ ସହିତ ନେଟ୍ ବଲ୍ ପ୍ରତିଯୋଗିତା ରେ ଭାଗନେଇ କୃତୀତ୍ୱ ଅର୍ଜନ କରିଥିବା ସାତ ଜଣ ପ୍ରତିଯୋଗୀ ଙ୍କୁ ମାନପତ୍ର ଦିଆଯାଇଥିଲା। କାର୍ଯ୍ୟକ୍ରମ ପରିଚାଳନାରେ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀଙ୍କ ସହିତ କର୍ମଚାରୀ ମାନେ ସହାୟତା କରିଥିଲେ।