କଟକ ସଦର , ୦୮/୧୧/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): ଗତ ମାସ ୨୭ ତାରିଖ ରେ ଵଦଳି ହୋଇ ସରକାରଙ୍କ ନିର୍ଦ୍ଦେଶନାମା ଅନୁସାରେ ୨୯ ରେ ରିଲଭ ହୋଇ ଯାଇଥିବା କଟକ ସଦରର ପୂର୍ବତନ ବିଡ଼ିଓ ରୁମନା ଜାଫ୍ରି ଙ୍କ ସ୍ଥାନରେ କନ୍ଧମାଳ ଜିଲା ଫୁଲବାଣୀ ଵ୍କକରୁ ଆସିବାକୁ ଥିବା ପ୍ରତୀକ ସାହୁ ଆଜି ପର୍ଯ୍ୟନ୍ତ ଆସିନଥିବା କୁ ନେଇ ଗତ ୫ ତାରିଖ ରେ ‘ଓଡିଶା ସମାଚାର’ ରେ ବିସ୍ତୃତ ଖଵର ପ୍ରକାଶ ପାଇଥିଲା। ଏହି ପରିପ୍ରେକ୍ଷୀରେ ଆଜି ଶୁକ୍ରବାର ଦିନ କନ୍ଧମାଳ ଜିଲା ପ୍ରଶାସନ ଵଦଳି ର ପନ୍ଦର ଦିନ ପରେ ତରବରିଆ ଭାବେ ଫୁଲବାଣୀ ତହସିଲଦାର ପ୍ରିୟଙ୍କା ପ୍ରିୟଦର୍ଶିନୀ ଙ୍କୁ ଦାୟିତ୍ଵ ହସ୍ତାନ୍ତର କରି ପ୍ରତୀକ ସାହୁ ଙ୍କୁ ରିଲିଭ୍ କରିଥିବା ଜଣାପଡିଛି। ତେବେ ରିଲିଭର ନଥିଵା ଆଳରେ ପ୍ରତୀକ ସାହୁ ଆଜି ପର୍ଯ୍ୟନ୍ତ କାହିଁକି ରିଲିଭ୍ ହେଉନଥିଲେ ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ନୂଆ ଵିଡିଓ ପ୍ରତୀକ ସାହୁ ଆସନ୍ତା ବୁଧବାର ଦିନ ସଦର ଵ୍ଲକରେ କାର୍ଯ୍ୟଭାର ଗ୍ରହଣ କରିବାକୁ ଯାଉଛନ୍ତି ବୋଲି ଅନ୍ୟ ଏକ ଖଵର ରୁ ଜଣାପଡିଛି।
