ସାଲେପୁର, ୦୩/୧୦/୨୦୨୪ (ଓଡିଶା ସମାଚାର /ଅଭୟ ଜେନା )- ଯୁବକଙ୍କୁ ଅନ୍ଲାଇନ୍ ଗେମ୍ ଖେଳିବା ହେଲା କାଳ । ଅନ୍ଲାଇନ୍ ଗେମ୍ ଖେଳି ଟଙ୍କା ହରାଇବା ପରେ ସମ୍ପୃକ୍ତ ଯୁବକ ଆତ୍ମହତ୍ୟାର ବାଟ ବାଛିନେଲେ । କଟକ ଜିଲ୍ଲା ଜଗତପୁର ଥାନା ପାଗାଫାଣ୍ଡି ଅଧୀନ ବହୁଗ୍ରାମ ବଣିଆ ସାହିରେ ଘଟିଛି ଏଭଳି ଅଭାବନୀୟ ଘଟଣା । ମୃତ ଯୁବକ ବହୁଗ୍ରାମ ବଣିଆ ସାହିର ମନୋଜ ସାହୁ । 
ସୂଚନା ମୁତାବକ , ମନୋଜ ସାହୁ ଅନଲାଇନ ଗେମରେ ବହୁ ଅର୍ଥ ହରାଇଥିଲେ ।ଏହାପରେ ସେ ଟଙ୍କା ଧାର ଉଧାର କରିବାକୁ ବାଧ୍ୟ ହୋଇଥିଲେ । ମନୋଜ ଟଙ୍କା ସୁଝିନପରିବାରୁ ପ୍ରବଳ ଚାପରେ ରହୁଥିବାର ସୂଚନା ମିଳିଛି। ତିନି ଦିନ ହେବ ମନୋଜ ଘରୁ କେଉଁଆଡେ ଚାଲିଯାଇଥିଲେ । ଚିନ୍ତିତ ପରିବାର ଲୋକେ ପାଗାଫାଣ୍ଡିରେ ଅଭିଯୋଗ କରିଥିଲେ । ଗୁରୁବାର ଦିନ ମନୋଜଙ୍କ ମୃତଦେହ ଏକ ଗଛରେ ଝୁଲୁଥିବାର ଦେଖିବାକୁ ମିଳିଥିଲା। ଧାର ଟଙ୍କା ସୁଝିନପାରିବାରୁ ମନୋଜ ଜୀବନହାରିଥିବା ସ୍ପଷ୍ଟ ହୋଇଥିଲା । ଅଗ୍ନିଶମ କର୍ମଚାରୀ ମାନେ ଗଛରୁ ମୃତଦେହ ଉଦ୍ଧାର କରିଥିବାବେଳେ, ପାଗା ଫାଣ୍ଡି ପୋଲିସ ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ କରୁଛି।
