ବିଷ୍ଣୁପ୍ରିୟା ଚାରିଟେବୁଲ୍ ଟ୍ରଷ୍ଟ ସମ୍ବର୍ଦ୍ଧିତ ।

କଟକ,୨୦/୭/୨୦୨୪ (ଓଡ଼ିଶା ସମାଚାର)-ଅଗ୍ରଣୀ ସାମାଜିକ ସଙ୍ଗଠନ ବିଷ୍ଣୁପ୍ରିୟା ଚାରିଟେବୁଲ୍ ଟ୍ରଷ୍ଟ,ଓଡ଼ିଶା(ବିସିଟି)କୁ ରକ୍ତଦାନ ଓ ବହୁବିଧ ସମାଜସେବା କ୍ଷେତ୍ରରେ ଉଲ୍ଲେଖନୀୟ କୃତିତ୍ବ ନେଇ ନିଶିଗନ୍ଧା ଭାଷା ପ୍ରତିଷ୍ଠାନ ଫାଉଣ୍ଡେସନ୍ ପକ୍ଷରୁ ସମ୍ବର୍ଦ୍ଧିତ କରାଯାଇଛି । ଭୁବନେଶ୍ବର ଜୟଦେବ ଭବନ ଠାରେ ଅନୁଷ୍ଠିତ ରାଜ୍ୟ ସ୍ତରୀୟ ସମ୍ୱର୍ଦ୍ଧନା ଉତ୍ସବରେ ବିସିଟି ରାଜ୍ୟ ସଂଯୋଜକ ସମାଜସେଵୀ ତଥା ପ୍ରାବନ୍ଧିକ ଇଂ.ସେବକ ଶ୍ରୀକାନ୍ତ ଉପସ୍ଥିତ ରହି ସମ୍ୱର୍ଦ୍ଧନା ଗ୍ରହଣ କରିଛନ୍ତି । ଟ୍ରଷ୍ଟକୁ ମିଳୁଥିବା ଏହି ରାଜ୍ୟ ସ୍ତରୀୟ ସେବା ସମ୍ମାନ ଭଳି ମହା ସଫଳତା ନେଇ ଅଧ୍ୟକ୍ଷ ଇଂ.ବିମଳ ଚନ୍ଦ୍ର ଓ ସମ୍ପାଦକ ପ୍ରିନ୍ସ ନନ୍ଦ ନିଶିଗନ୍ଧା ପରିବାର ଓ ଟ୍ରଷ୍ଟ କାର୍ଯ୍ୟକର୍ତ୍ତା ମାନଙ୍କୁ କୃତଜ୍ଞତା ଜ୍ଞାପନ କରିଛନ୍ତି ।