ପାନ ଦୋକାନରୁ କବାଟ ଭାଙ୍ଗି ଚୋରୀ

ନିରାକାରପୁର, ୨୫/୧୧/୨୦୨୩ (ଓଡ଼ିଶା ସମାଚାର)- ଖୋର୍ଦ୍ଧା ଜିଲ୍ଲା ନିରାକାରପୁର ଥାନା ଅନ୍ତର୍ଗତ ଗେଟ ବଜାରରେ ଥିବା ଏକ ପାନ ଦୋକାନରୁ କବାଟ ଭାଙ୍ଗି କିଛି ସାମଗ୍ରୀ ସହିତ ୫ ହଜାର ଟଙ୍କା ନେଇ ଯାଇଥିବା ଅଭିଯୋଗ ହୋଇଛି। ସୂଚନାଯୋଗ୍ୟ କି ଗତକାଲି ବିଳମ୍ବିତ ରାତିରେ ନିରାକାରପୁର ଗେଟ ବଜାରରେ ଥିବା ସୁନିଲ କୁମାର ରାଉତରାୟଙ୍କ ପାନ ଦୋକାନର କବାଟ ଭାଙ୍ଗି ପଶି ସିଗାରେଟ, ବଡ଼ି ସ୍ପ୍ରେ, ତେଲ, ସାବୁନ, ଗୁଟକା ଓ ନଗଦ ୫ ହଜାର ଟଙ୍କାକୁ କେହି ଦୁର୍ବୃତ୍ତ ନେଇ ଯାଇଛି।  ସକାଳୁ ସୁନିଲ ଦୋକାନ ଖୋଲିବାକୁ ଯାଇ ଏହା ଦେଖି ଘଟଣା ସମ୍ପର୍କରେ ଏକ ଲିଖିତ ଅଭିଯୋଗ ଥାନାରେ କରିଥିବା ଜଣାପଡିଛି। ସମୁଦାୟ ଚୋରୀ ସାମଗ୍ରୀର ମୂଲ୍ୟ ୧୫ ହଜାର ଟଙ୍କାର ହେବ ବୋଲି ଅନୁମାନ କରାଯାଇଛି।