ଲକ୍ଷ୍ମୀପୁର ୨୨/୧୧/୨୩(ଓଡ଼ିଶା ସମାଚାର/ପ୍ରମୋଦ ଜେନା)- ଲକ୍ଷ୍ମୀପୁର ବ୍ଲକ୍ କାର୍ଯ୍ୟାଳୟ ପରିସର ମଧ୍ୟରେ ଆଜି ଭୀମ ଭୋଇ ସାମର୍ଥ୍ୟ ଶିବିର ଅନୁଷ୍ଠିତ ହୋଇ ଯାଇଛି।ଏହି କାର୍ଯ୍ୟକ୍ରମରେ ବିଭିନ୍ନ ବିଭାଗର ୧୨ଟି ଷ୍ଟଲ ଖୋଲା ଯାଇଥିବା 
ବେଳେ ବ୍ଲକର ୧୩ଟି ପଞ୍ଚାୟତରେ ଅନେକ ଭିନ୍ନକ୍ଷମ ଯୋଗ ଦେଇଥିଲେ।ଜିଲ୍ଲା ସ୍ତରରୁ ଡ.ଆର୍.ଏନ ମିଶ୍ର, ଡ.ଗୌତମ ତ୍ରିପାଠୀ, ଡ.ଅଶ୍ଵିନୀ ସାହୁ, ଡ.ଏମକେ ସଲାମ,ଡ.ରାଜେଶ୍ କୁମାର ପଣ୍ଡା ଏହି କାର୍ଯ୍ୟକ୍ରମରେ ଯୋଗ ଦେଇ ଭିନ୍ନକ୍ଷମ ଓ ମାନସିକ ଅନଗ୍ରସର ମାନଙ୍କ ସ୍ବାସ୍ଥ୍ୟ ପରୀକ୍ଷା କରିଥିଲେ।
ସମୁଦାୟ ୭୯ ଜଣ ଭିନ୍ନକ୍ଷମ ନିଜ ନିଜ ନାମ ପଞ୍ଜିକରଣ କରିଥିବା ବେଳେ ନିର୍ବାହୀ ଅଧିକାରୀ,ଅଙ୍ଗନବାଡ଼ି କର୍ମୀ,ଶିକ୍ଷକ ଓ ଶିକ୍ଷୟତ୍ରୀ ଙ୍କ ସମେତ ଲକ୍ଷ୍ମୀପୁର ମହାବିଦ୍ୟାଳୟର ଛାତ୍ର ଛାତ୍ରୀ ମାନେ ଏହି ଶିବିରରେ ଯୋଗ ଦେଇ ସବୁ କ୍ଷେତ୍ରରେ ସହଯୋଗ କରିଥିଲେ।ବିଡ଼ିଓ ଗୁରେଶ୍ୱର ଭୋଇଙ୍କ ଅଧ୍ୟକ୍ଷତାରେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିବା ବେଳେ ବିଏସଏସଓ ଅଂଶୁମାନ ବେହେରା ପରିଚାଳନା କରିଥିଲେ। ଏହି ଶିବିରରେରେ ସୁଆଇ କୁଲେଶିକା,ଉପାଧ୍ୟକ୍ଷା ଆରତୀ କୁଲଦୀପ,ସିଡ଼ିପିଓ ପାର୍ବତୀ ଆଚାର୍ଯ୍ୟ ଉପସ୍ଥିତ ଥିବା ବେଳେ ଏଇ ଏମ.ପବନ କୁମାର୍, ଜୀପିଓ ସୁଧୀର ବେହେରା,ବିପିଏମ୍ ପ୍ରକାଶ ଚନ୍ଦ୍ର ସେଠୀ,ପୋଗ୍ରାମ ଆଶିଷ୍ଟାଣ୍ଡ ତ୍ରିନାଥ ସାହୁ ଓ ସାରଦା ଦେହୁରୀ ଉପସ୍ଥିତ ରହି ପଞ୍ଜିକରଣ କ୍ଷେତ୍ରରେ ସହଯୋଗ କରିଥିଲେ।
ଭୀମ ଭୋଇ ସାମର୍ଥ୍ୟ ଶିବିର ଅନୁଷ୍ଠିତ
