ଉପଖଣ୍ଡ ସ୍ତରୀୟ କୃଷି ମେଳା ଓ କୃଷି ଯନ୍ତ୍ରପାତି ପ୍ରଦର୍ଶନୀ ଆରମ୍ଭ

ବାଲିଅନ୍ତା ୨୮/୧୧/୨୦୨୪ (ଓଡ଼ିଶା ସମାଚାର)- ବାଲିଅନ୍ତା ବ୍ଲକ ଅଧୀନ ଭିଙ୍ଗାରପୁର ସ୍ଥିତ ବକ୍ରେଶ୍ୱର ସରକାରୀ ଉଚ୍ଚ ବିଦ୍ୟାଳୟ ଖେଳ ପଡିଆରେ ଆଜିଠାରୁ ଉପଖଣ୍ଡ ସ୍ତରୀୟ କୃଷି ମେଳା ଏବଂ କୃଷି ଯନ୍ତ୍ରପାତି ପ୍ରଦର୍ଶନୀ ଅନୁଷ୍ଠିତ ହୋଇଛି । ଏହି ଅବସରରେ ଆୟୋଜିତ ସଭାରେ ଜିଲ୍ଲା କୃଷି ଅଧୁକାରୀ ପ୍ରଦୀପ୍ତ ପଣ୍ଡା ସଭାପତିତ୍ୱ କରିଥିଲେ ।ଜୟଦେବ ବିଧାୟକ ନବକିଶୋର ମଲ୍ଲିକ ମୁଖ୍ୟ ଅତିଥି, ବାଲିଅନ୍ତା ବ୍ଲକ ଅଧ୍ୟକ୍ଷା ବାସନ୍ତୀ ଖଟୁଆ, ବ୍ଲକ ଉପାଧ୍ୟକ୍ଷା ଇତିଶ୍ରୀ ଜେନା,ବାଲିପାଟଣା ବ୍ଲକ ଅଧ୍ୟକ୍ଷା ହରପ୍ରିୟା ଦାଶ, କୃଷି ଅଧିକ୍ଷଣ ଯନ୍ତ୍ରୀ ପ୍ରଦୀପ୍ତ ମହାପାତ୍ର ଭୁବନେଶ୍ୱର କୃଷି ଅଧିକାରୀ  ମନୋରଞ୍ଜନ ରାଉଳ,ଗଙ୍ଗାଧର ମଲ୍ଲିକ, ପବିତ୍ର ମୋହନ ପଟେଲ,ମଙ୍ଗରାଜ ବେହେରା ଓ ମହେଶ୍ୱର ଦାଶ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ୪ ଜଣ ସଫଳ ଚାଷୀଙ୍କୁ ଅତିଥିବୃନ୍ଦ ସମ୍ବର୍ଦ୍ଧିତ କରିଥିଲେ । ଏହି କୃଷି ମେଳାରେ ୪୦ ଟି କୃଷି ଯନ୍ତ୍ରପାତି ଷ୍ଟଲ ଖୋଲାଯାଇଛି । କୃଷି କୃଷକର ଉନ୍ନତି, ଆଧୁନିକ ପ୍ରଣାଳୀ ଚାଷ ଏବଂ ସରକାରୀ ପ୍ରୋତ୍ସାହନ ଉପରେ ଗୁରୁତ୍ୱାରୋପ ଅତିଥିବୃନ୍ଦ ବକ୍ତବ୍ୟ ଦେଇଥିଲେ । ସହକାରୀ କୃଷି ଅଧିକାରୀ ସ୍ଥିତି ପ୍ରଜ୍ଞା ଖମାରି ଏବଂ ଗୌତ୍ତମ ପରିଡା କ୍ଷର୍ଯ୍ୟକ୍ରମ ପରିଚାଳନା କରିଥିଲେ ।