ଯାଜପୁର, ୨୪/୧୦/୨୦୨୪ (ଓଡ଼ିଶା ସମାଚାର /ସୁରେଶ କୁମାର କର ):- ଆସୁଛି ବାତ୍ୟା ଦାନା ।ବାତ୍ୟା ଦାନା ପାଇଁ ଯାଜପୁର ପ୍ରଶାସନ ର ପ୍ରସ୍ତୁତି କୁ ସହଯୋଗ କରିବା ପାଇଁ ସୁଜନପୁର ପଞ୍ଚାୟତ
ସମ୍ପୂର୍ଣ ନଜର ରଖିବା ସହ ପଞ୍ଚାୟତ ସରପଞ୍ଚ ଶ୍ରୀମତୀ ବିଷ୍ନୁପ୍ରିୟା ମହାକୁଡ଼ ଓ ସମିତି ସଭ୍ୟ ନାରାୟଣ ଜେନା ପଞ୍ଚାୟତ ର ବିଭିନ୍ନ ୱାର୍ଡ ଯାଇ ଲୋକମାନଙ୍କୁ ସଚେତନ କରି କଚା ଗୃହରେ ରହୁଥୁବା ଲୋକ ମାନଙ୍କୁ ନିକଟସ୍ଥ ସୁଜନପୁର କଲେଜ ରେ ଥିବା ଆସ୍ଥାୟୀ ବାତ୍ୟା କେନ୍ଦ୍ରରେ ଆଶ୍ରୟ ନେବା ପାଇଁ ନିବେଦନ କରିଛନ୍ତି ।
ଆଜି ସକାଳ ସୁଧା ଶତାଧିକ ଲୋକେ କେନ୍ଦ୍ରକୁ ଆସିଛନ୍ତି । ସେମାନଙ୍କ ପାଇଁ ଖାଦ୍ୟ ପେୟ ଓ ଗାଈମାନଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଥିବା ସରପଞ୍ଚ ଶ୍ରୀମତୀ ମହାକୁଡ଼ କହିଛନ୍ତି । ଯାଜପୁର ବିଡ଼ିଓ ସ୍ୱାଗତ ଦାସ ମଧ୍ୟ କେନ୍ଦ୍ର ବୁଲି ତଦାରଖ କରିଛନ୍ତି । ଜିରୋ କାଜୁଆୟାଲିଟି ପାଇଁ ଉଦ୍ୟମ ଜାରି ରହିଥିବା ସରପଞ୍ଚ ଶ୍ରୀମତୀ ମହାକୁଡ଼ କହିଛନ୍ତି। ପଂଚାୟତ ବାସୀଙ୍କ ପାଇଁ ଆମେ ଏଠି ରାତି ଦିନ ରହିବା ସହ ଲୋକମାନଙ୍କ ମନବଳ ସୁଦୃଢ଼ କରୁଥିବା ପଂଚାୟତ ସମିତି ସଭ୍ୟ ନାରାୟଣ ଜେନା ସୂଚନା ଦେଇଛନ୍ତି । ଏଠାରେ ଆମେ ଏକ ହଜାର ଲୋକଙ୍କୁ ରଖିପାରିବୁ ବୋଲି ଶ୍ରୀ ଜେନା କହିଛନ୍ତି ।
