ପାଲଲହଡ଼ା,୨୩/୧୦/୨୦୨୪ (ଓଡ଼ିଶା ସମାଚାର)- ଅନଗୁଳ ଜିଲ୍ଲା ପାଲଲହଡ଼ା ଉପଖଣ୍ଡ ବାଲିପଶି ପଞ୍ଚାୟତ ଅନ୍ତର୍ଗତ ହାତୀଘିଞ୍ଚା ରେନବୋ କ୍ଲବ ଦ୍ଵାରା ଆୟୋଜିତ ରେନବୋ କ୍ଲବ ଫୁଟବଲ ଟୁର୍ଣ୍ଣାମେଣ୍ଟ ମଙ୍ଗଳବାର ଉଦଯାପିତ ହୋଇଯାଇଛି। ରବିବାର ଠାରୁ ଆରମ୍ଭ ଏହି ତ୍ରିଦିବସୀୟ ଟୁର୍ନାମେଣ୍ଟ ରେ ୧୬ ଗୋଟି ଦଳ ଭାଗ ନେଇଥିଲେ। ମଙ୍ଗଳବାର ଉଦଯାପନୀ ସନ୍ଧ୍ୟାରେ ଫାଇନାଲ ଖେଳ ବାଲିପଶି ଏବଂ ଶିଗଡ ମଧ୍ୟ ରେ ଅନୁଷ୍ଠିତ ହୋଇଥିଲା।ଶିଗଡ ଦଳ ୧-୦ ଗୋଲ ରେ ବାଲିପଶି ଦଳ କୁ ପରାଜିତ କରି ଟୁର୍ନାମେଣ୍ଟ ରେ ଚାମ୍ପିୟନ ହୋଇଥିଲା। ଉଦଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ପାଲଲହଡ଼ା ର ପୂର୍ବତନ ବିଧାୟକ ଶ୍ରୀଯୁକ୍ତ ମୁକେଶ କୁମାର ପାଲ ଯୋଗଦେଇ ଥିବାବେଳେ ଅନୁଗୁଳ ଜିଲ୍ଲା ପରିଷଦ ର ପୂର୍ବତନ ଉପାଧ୍ୟକ୍ଷ ଇନ୍ଦ୍ରମଣି ଗଡନାୟକ, ବାଲିପଶି ସରପଞ୍ଚ ଶ୍ରୀମତୀ ଧିରେଶ୍ୱରୀ ଗଡନାୟକ ଏବଂ ନାଏବ ସରପଞ୍ଚ ଶ୍ରୀମତୀ ବିନ୍ଦୁଲତା ଗଡନାୟକ ସମ୍ମାନିତ ଅତିଥି ଭାବେ ଯୋଗଦେଇଥିଲେ। କ୍ଲବ ସଭାପତି ଦେବଦତ୍ତ ସାହୁ ସଭାପତିତ୍ୱ କରିଥିଲେ। ଚାମ୍ପିୟନ ଏବଂ ରନର୍ସ ଅପ୍ ଦଳକୁ ଅତିଥି ବୃନ୍ଦ ଟ୍ରଫି ପ୍ରଦାନ କରିଥିଲେ। ଦିଲ୍ଲିପ ଗଡନାୟକ, ନିରଞ୍ଜନ ବେହେରା ଏବଂ ଡିଲେଶ୍ୱର ସାହୁ ଖେଳ ପରିଚାଳନା କରିଥିବା ବେଳେ ସନାତନ ଗଡନାୟକ, ଗୁରା ମୁଣ୍ଡା, ଜୟ ମୁଣ୍ଡା, ରବି ମୁଣ୍ଡା, ଦିଲ୍ଲୀ ମୁଣ୍ଡା, ବିଜୁ ମୁଣ୍ଡା ,ଅନ୍ତର୍ଯ୍ୟାମୀ ବେହେରା, ଚରଣ ସାହୁ ପ୍ରମୁଖ ଙ୍କ ସମେତ କ୍ଲବ ର ସମସ୍ତ ସଦସ୍ୟ ଟୁର୍ନାମେଣ୍ଟ ଆୟୋଜନ ରେ ସହଯୋଗ କରିଥିଲେ।
