ରୋଷେଇ ଗ୍ୟାସ୍ ଟାଙ୍କି ବୋଝେଇ ଟ୍ରକ୍ ଧକ୍କାରେ ଅଜଣା ମୋଟର ସାଇକେଲ ଆରୋହୀ ମୃତ

କଟକ ସଦର , ୧୫/୮/୨୦୨୪ (ଓଡ଼ିଶା ସମାଚାର /ବିଷ୍ଣୁ ବେହେରା): କମିଶନରେଟ କନ୍ଦରପୁର ଥାନା ଅନ୍ତର୍ଗତ କଟକ-ନୁଆଗାଁ ୫୫ ନମ୍ବର ଜାତୀୟ ରାଜପଥର ଵିରିଵାଟି ନାହାଭଙ୍ଗା ଭୋଇ ସାହି ଗଡା ନିକଟରେ ଆଜି ଗୁରୁବାର ଅପରାହ୍ନରେ କଟକ ରୁ ଆସୁଥିବା ରୋଷେଇ ଗ୍ୟାସ୍ ଟାଙ୍କି ବୋଝେଇ ଏକ ଟ୍ରକ୍ ପାରାଦୀପ ପଟୁ କଟକ ଅଭିମୁଖେ ଯାଉଥିବା ଏକ ମୋଟର ସାଇକେଲକୁ ଧକ୍କା ଦେଵା ଫଳରେ ଘଟଣା ସ୍ଥଳରେ ମୋଟର ସାଇକେଲ ଆରୋହୀ ଙ୍କର ଶୋଚନୀୟ ମୃତ୍ୟୁ ହୋଇଥିବା ଜଣାପଡିଛି। ମୋଟର ସାଇକେଲ କୁ ଟ୍ରକ ଧକ୍କା ଦେଵା ଫଳରେ ମୋଟର ସାଇକେଲ ଆରୋହୀ ରାସ୍ତାରେ ଯାଉଥିବା ଏକ କାର ସହିତ ଧକ୍କା ହୋଇ ରାସ୍ତାରେ ପଡ଼ିଯାଇଥିବା ପ୍ରତ୍ୟକ୍ଷଦର୍ଶୀ ଙ୍କ ଠାରୁ ଜଣାପଡିଛି। ପୋଲିସ ଘଟଣାସ୍ଥଳରେ ପହଂଚି ମୃତକଙ୍କୁ କଟକ ବଡ଼ ଡ଼ାକ୍ତରଖାନାକୁ ଶବ ବ୍ୟବଛେଦ ପାଇଁ ପଠାଇ ଦୂର୍ଘଟଣା ଘଟାଇଥିବା ଟ୍ରକ୍ ଓ କାର କୁ ଜବତ କରିଛି। ମୃତକଙ୍କ ପରିଚୟ ମିଳିପାରିନଥିଲା ବେଳେ ସିଏ ତିର୍ତ୍ତୋଲ ଅଞ୍ଚଳର ଵୋଲି ଶୁଣାଯାଉଛି।