ଜୁନାଗଡ଼ ,୦୭/୦୩/୨୦୨୪ (ଓଡ଼ିଶା ସମାଚାର /ରାକେଶ ବେମାଲ )- ଜୁନାଗଡ଼ ହାଇସ୍କୁଲ ପରିସରରେ ଆଜି ମୋ ସ୍କୁଲ ଅଭିଯାନ ର ଏକ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ଏହି ଅବସରରେ ଜୁନାଗଡ଼ ହାଇସ୍କୁଲ ର ପ୍ରଧାନ ଶିକ୍ଷକ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ସଭାରେ ଜୁନାଗଡ଼ ହାଇସ୍କୁଲ ର ମୋ ସ୍କୁଲ ଅଭିଯାନ ର ସଭାପତି ଶ୍ରୀ ସନ୍ତୋଷ କୁମାର ସିଂହଦେଓ, ସମ୍ପାଦକ କୁବଳେଶ୍ୱର ପାଣିଗ୍ରାହୀ, ଅବସରପ୍ରାପ୍ତ ଶିକ୍ଷକ ଆର୍ତତ୍ରାଣ ବାଗ, ପୁରାତନ ଛାତ୍ର ବିଜୟ ପାଢ଼ୀ,ବିଶିଷ୍ଟ ଶିଳ୍ପପତି ଦୁର୍ଗା ପ୍ରସାଦ ନାଏକ ପ୍ରମୁଖ ମଂଚାସୀନ ଥିଲେ ଓ ମୋ ସ୍କୁଲ ଅଭିଯାନ ର ତାତ୍ପର୍ଯ୍ୟ ଉପରେ ଆଭିମୁଖ୍ୟ ପ୍ରଦାନ କରିଥିଲେ । 
ଏହି ଅବସରରେ ମୋ ସ୍କୁଲ ଅଭିଯାନ ରେ ଅର୍ଥ ଓ ସେବାଦାନ କରିଥିବା ସ୍କୁଲ ର ପୁରାତନ ଛାତ୍ର ଛାତ୍ରୀ ପ୍ରହଲ୍ଲାଦ ପ୍ରଧାନ, ରଶ୍ମିଲତା ପାଢ଼ୀ, ସରୋଜ ମିଶ୍ର, ଦିଲ୍ଲୀପ ଧଙ୍ଗଡ଼ାମାଝି, ଅନିଲ ପଣ୍ଡା, ଲଳିତ ଅଗ୍ରୱାଲ,ମନୋରଞ୍ଜନ ସାହୁ, ଅଜୟ ଶର୍ମା, ବିରଜା ପ୍ରସାଦ ସାମନ୍ତରାୟ, ରଜନୀକାନ୍ତ ମିଶ୍ର, ଉପେନ୍ଦ୍ର ପୁଝାରୀ, ସଂଜୀବ ଦାଶ ପ୍ରମୁଖ ଙ୍କୁ ମୁଖ୍ୟମନ୍ତ୍ରୀ ଙ୍କ ଦ୍ୱାରା ପ୍ରଦତ୍ତ ମାନପତ୍ର ପ୍ରଦାନ ପୂର୍ବକ ସମ୍ମାନିତ କରାଯାଇଥିଲା । ସଭା କୁ ପରିଚାଳନା କରିଥିଲେ ବିଦ୍ୟାଳୟ ର ବରିଷ୍ଠ ଶିକ୍ଷକ ଶ୍ରୀ ମଳୟ କୁମାର ମୁଣ୍ଡ । ଶେଷରେ ମୋ ସ୍କୁଲ ଅଭିଯାନ ର ସମ୍ପାଦକ କୁଵଲେଶ୍ଵର ପାଣିଗ୍ରାହୀ ଧନ୍ୟବାଦ ଅର୍ପଣ କରିଥିଲେ ।
