କୋରାଇ ଅଂଚଳ ରେ ଜଳସଙ୍କଟ କୁନେଇ ଆନ୍ଦୋଳନ କରିବ ଓଡିଶା ଜନତା କଂଗ୍ରେସ

କୋରାଇ ୨୨/୦୪/୨୦୨୬ (ଓଡ଼ିଶା ସମାଚାର)- ଆଜି କୋରାଇ ବ୍ଲକ ଅଧିନସ୍ଥ ବିଭିନ୍ନ ଗ୍ରାମ ଗୁଡିକରେ ପିଇବାପାଣି ସଂକଟ ଦେଖାଦେଇଛି ,ଯାହାଫଳରେ ଲୋକେ ନାହିଁ ନଥିବା ଅସୁବିଧାରେ ସମ୍ମୁଖୀନ ହେଉଛନ୍ତି। ବିଶେଷ କରି ବୈତରଣୀ ନଦୀ କୂଳ କୁ ଲାଗିଥିବା ପଂଚାୟତ ଯଥା ମୂଳାପାଳ, ଅମ୍ବତିଆ, ମକୁନ୍ଦପୁର, ଗୌରପୁର, ରଣପୁର ଓ ଅସଂଝର ଗ୍ରାମପଂଚାୟତ ରେ ଥିବା ଟ୍ୟୁବୱାଲ ଗୁଡିକ ଅଚଳ ହୋଇ ପଡିବା ଯୋଗୁ ପିଇବା ପାଣି ରେ ଘୋର ସଂକଟ ଦେଖାଦେବା ଦ୍ୱାରା ଜନଅସନ୍ତୋଷ ପରିଲକ୍ଷିତ ହୋଇଛି । ଏହାର ମୁଖ୍ୟ କାରଣ ବାଲି ମାଫିଆ ମାନେ ବୈତରଣୀ ନଦୀ ରୁ ବେଆଇନ ଭାବେ ବାଲି ଉଠାଣ କରିବା ଦ୍ୱାରା ଜଳ ସ୍ତର ନିମ୍ନ ଗାମୀ ,ଯାହା ଜିଲ୍ଲା ପ୍ରଶାସନ ଜାଣି ଅଜଣା । ଏହାର ପ୍ରତିବାଦ ରେ କୋରାଇ ଓଡିଶା ଜନତା କଂଗ୍ରେସ ପକ୍ଷରୁ ବରିଷ୍ଠ ନେତା ବିଦ୍ୟାଧର ମହାନ୍ତି ଓ ଯୁବନେତା ମନୋରଞ୍ଜନ ନାୟକ ଙ୍କ ନେତୃତ୍ୱ ରେଏକ ପ୍ରତିନିଧି ଦଳ କୋରାଇ ମଣ୍ଡଳ ଅଧିକାରୀ ଅବନୀକାନ୍ତ ସାହୁ ଙ୍କ ଜରିଆରେ ଯାଜପୁର ଜିଲ୍ଲାପାଳ ଙ୍କୁ ଏକ ଦାବିପ୍ରଦାନ କରାଯାଇଛି । ଯଦି ତୁରନ୍ତ ଏହାର ସମାଧାନ କରାନଯାଏ ,ବାଧ୍ୟ ହୋଇ ବ୍ଲକ ସମ୍ମୁଖ ରେ ଏହାର ସ୍ଥାୟୀ ସମାଧାନ ନ ହେବା ପର୍ୟ୍ୟନ୍ତ ଗଣଧାରଣା ଚାଲୁରହିବ ବୋଲି ଚିଠିରେ ଉଲ୍ଲେଖ ଅଛି।