ଆମେ ଇତିହାସର ସଠିକ୍ ଚିତ୍ର ଉପସ୍ଥାପନ କରୁଛୁ – ଧର୍ମେନ୍ଦ୍ର ପ୍ରଧାନ
- ଇତିହାସ ଏକ ଉଜ୍ଜ୍ୱଳ ଭବିଷ୍ୟତ ନିର୍ମାଣ ପାଇଁ ପଥ ପ୍ରଶସ୍ତ କରେ
- ଆମ ସାଂସ୍କୃତିକ, ଐତିହାସିକ ଏବଂ ବୌଦ୍ଧିକ ଐତିହ୍ୟକୁ ଜୀବନ୍ତ କରିବାରେ ଆଗଭର ହୁଅନ୍ତୁ ଯୁବପିଢି
- ଛାତ୍ରଛାତ୍ରୀମାନେ ଭାରତର ପ୍ରକୃତ ‘ପରିଚୟ’ ଉପସ୍ଥାପନ କରିବା ଦିଗରେ ପ୍ରତିବଦ୍ଧ ରୁହନ୍ତୁ
- ଦେଶର ପୂର୍ବାଞ୍ଚଳର ଇତିହାସ ଏବଂ ଐତିହ୍ୟକୁ ଏହାର ଯଥାର୍ଥ ସ୍ୱୀକୃତି ଦେବା ପାଇଁ ପ୍ରଚେଷ୍ଟା କରିବା
ଭୁବନେଶ୍ୱର,୦୨/୦୯/୨୦୨୫(ଓଡ଼ିଶା ସମାଚା/ଦୀପ୍ତିରଂଜନ କାନୁନଗୋ)-ଆମେ କାହାର ଇତିହାସକୁ ଲିଭାଇ ଦେବା ତଥା ଇତିହାସର କୌଣସି ବିଷୟ ଉପରେ ଅବହେଳା କରିବାକୁ ଚାହୁଁନାହୁଁ ବରଂ ଇତିହାସର ସଠିକ୍ ଚିତ୍ର ଉପସ୍ଥାପନ କରୁଛୁ ବୋଲି ଆଜି ନୂଆଦିଲ୍ଲୀ ଠାରେ ଭାରତୀୟ ଇତିହାସ ପାଇଁ ସାର୍ ଯଦୁନାଥ ସରକାର ଫେଲୋସିପର ପ୍ରଥମ ବ୍ୟାଚର ଦୀକ୍ଷାନ୍ତ ସମାରୋହରେ ଯୋଗଦେବା ଅବସରରେ କହିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଦ ଫାଉଣ୍ଡେସନ ଫର୍ ଇଣ୍ଡିଆନ୍ ହିଷ୍ଟୋରିକାଲ୍ ଆଣ୍ଡ୍ କଲଚୁରାଲ୍ ରିସର୍ଚ୍ଚ(ଏଫଆଇଏଚସିଆର) ପକ୍ଷରୁ ଆୟୋଜିତ ଏହି ଫେଲୋସିପର ପ୍ରଥମ ବ୍ୟାଚକୁ ଅଭିନନ୍ଦନ ଜଣାଇବା ସହ ସମସ୍ତଙ୍କ ସଫଳତା କାମନା କରିଛନ୍ତି ଶ୍ରୀ ପ୍ରଧାନ । ସେ କହିଛନ୍ତି ଯେ ଆଜି ଛାତ୍ରଛାତ୍ରୀମାନେ ସେମାନଙ୍କର ସାର୍ଟିଫିକେଟ୍ ଗ୍ରହଣ କରୁନାହାନ୍ତି ବରଂ ଭାରତର 
ଐତିହାସିକ, ସାଂସ୍କୃତିକ ଏବଂ ବୌଦ୍ଧିକ ସାର୍ବଭୌମତ୍ୱର ମଶାଲବାହକ ହେବାର ଦାୟିତ୍ୱ ବହନ କରୁଛନ୍ତି । ସେ ଆହୁରି କହିଛନ୍ତି ଯେ ଇତିହାସ ଏକ ଉଜ୍ଜ୍ୱଳ ଭବିଷ୍ୟତ ନିର୍ମାଣ ପାଇଁ ପଥ ପ୍ରଶସ୍ତ କରେ ।
ଆମର ସାଂସ୍କୃତିକ, ଐତିହାସିକ ଏବଂ ବୌଦ୍ଧିକ ଐତିହ୍ୟକୁ ପୁନରୁଦ୍ଧାର କରିବା ଦିଗରେ ଏହି ପଦକ୍ଷେପ ପ୍ରଶଂସନୀୟ । ଦୀର୍ଘ ସମୟ ଧରି ଆମେ ଉପନିବେଶବାଦୀ ଏବଂ ପକ୍ଷପାତପୂର୍ଣ୍ଣ କାହାଣୀରୁ ଇତିହାସ ଅଧ୍ୟୟନ କରିଆସୁଛନ୍ତି । ଭାରତର ଐତିହାସିକ, ସାଂସ୍କୃତିକ ଏବଂ ସଭ୍ୟତାଗତ ଐତିହ୍ୟକୁ ବ୍ୟାପକ, ତଥ୍ୟଭିତ୍ତିକ ଏବଂ ପ୍ରମାଣ-ଆଧାରିତ କହିବା ପାଇଁ ଏହିପରି ପଦକ୍ଷେପ ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଜାତୀୟ ଶିକ୍ଷା ନୀତି ଭାରତୀୟତାର ମୂଳରେ ଥିବା ଶିକ୍ଷା ମାଧ୍ୟମରେ ଆମର ସଭ୍ୟତାଗତ କ୍ଷୟକୁ ପ୍ରତିହତ କରିବା ଦିଗରେ ପ୍ରୟାସ କରୁଅଛି ।
ଆମର ବର୍ତ୍ତମାନର ପିଢ଼ି ଆମର ସାଂସ୍କୃତିକ, ଐତିହାସିକ ଏବଂ ବୌଦ୍ଧିକ ଐତିହ୍ୟକୁ ଜୀବନ୍ତ କରିବାକୁ ଚେଷ୍ଟା କରିବା ଉଚିତ । ସ୍ନାତକ ଏବଂ ଆଗାମୀ ପାଇବାକୁ ଥିବା ଫେଲୋସିପ୍ ଛାତ୍ରଛାତ୍ରୀମାନେ ଭାରତର ପ୍ରକୃତ ‘ପରିଚୟ’ ଉପସ୍ଥାପନ କରିବା ପାଇଁ ପ୍ରତିବଦ୍ଧ ରହିବେ । ଆମ ଦେଶର ପୂର୍ବାଞ୍ଚଳର ଇତିହାସ ଏବଂ ଐତିହ୍ୟକୁ ଏହାର ଯଥାର୍ଥ ସ୍ୱୀକୃତି ଦେବା ପାଇଁ ପ୍ରଚେଷ୍ଟା କରିବାକୁ ଶ୍ରୀ ପ୍ରଧାନ ପରାମର୍ଶ ଦେଇଛନ୍ତି । ଭାରତୀୟ ଇତିହାସ ପାଇଁ ସାର୍ ଯଦୁନାଥ ସରକାର ଫେଲୋସିପର ଫେଲୋସିପ୍ ସଦସ୍ୟମାନେ ଆମର ସଭ୍ୟତାଗତ ଐତିହ୍ୟ ଉପରେ ଜାତୀୟ ଆଲୋଚନାକୁ ଆକାର ଦେବା, ଆମର ବିବିଧତାକୁ ପାଳନ କରିବା ସହିତ ଆମର ଐତିହ୍ୟକୁ ସଂରକ୍ଷଣ ଏବଂ ପ୍ରୋତ୍ସାହିତ କରିବାରେ ଯୋଗଦାନ ଦେବେ ଶ୍ରୀ ପ୍ରଧାନ ଆଶାବ୍ୟକ୍ତ କରିଛନ୍ତି ।
