– ପ୍ରଶାସନ, ସାହିତ୍ୟ, ସଂସ୍କୃତି ଏବଂ ମାନବିକତାର ପ୍ରତୀକ ଥିବା ରଥଙ୍କ ବିୟୋଗରେ ଓଡିଆ ସାହିତ୍ୟରେ ଏକ ଯୁଗର ସମାପ୍ତ ।
ଭୁବନେଶ୍ୱର,୧୬/୦୩/୨୦୨୫ (ଓଡ଼ିଶା ସମାଚାର/ରଜତ ମହାପାତ୍ର)-ଓଡିଶା ସାହିତ୍ୟ ଏକାଡେମୀର ସଦସ୍ୟ, ଲେଖକ, ସମ୍ପାଦକ, ପ୍ରକାଶକ ଡକ୍ଟର ସୁନୀତି ମୁଣ୍ଡ କବି ରମାକାନ୍ତ ରଥଙ୍କ ୯୧ ବର୍ଷ ବୟସରେ ଦେହାନ୍ତରେ ଗଭୀର ସମବେଦନା ଜଣାଇଛନ୍ତି।
ସେ କହିଛନ୍ତି ଯେ ରମାକାନ୍ତ ରଥଙ୍କ ମୃତ୍ୟୁ ଭାରତୀୟ ସାହିତ୍ୟ ପାଇଁ ଏକ ଅପୂରଣୀୟ କ୍ଷତି। ରଥଙ୍କ ଦେହାନ୍ତ ହେବା ପରେ ଓଡିଆ ସାହିତ୍ୟରେ ଏକ ଯୁଗର ଶେଷ ହୋଇଯାଇଛି। ଡ ସୁନୀତି ମୁଣ୍ଡ ଆଜି ଭୁବନେଶ୍ୱରରେ ତାଙ୍କ ବାସଭବନରେ ପହଞ୍ଚି ମୃତ ଦେହର ଶେଷ ଦର୍ଶନ କରିଥିଲେ ଏବଂ ଶୋକ ସନ୍ତପ୍ତ ପରିବାରକୁ ସମବେଦନା ଜଣାଇଥିଲେ।
କବି ରଥଙ୍କ ସହ ସୁନୀତି ନିୟମିତ ଯୋଗାଯୋଗରେ ଥିଲେ। ସେ ତାଙ୍କ କବିତ୍ଵ ତଥା ଜୀବନୀକୁ ନେଇ ବିଭିନ୍ନ ମିଡିଆରେ କାମ କରିଥିଲେ। ଡ ମୁଣ୍ଡ କହିଛନ୍ତି ଯେ ପ୍ରତ୍ୟେକ ଥର ତାଙ୍କୁ ଭେଟିବାବେଳେ ତାଙ୍କ ଠାରୁ ସବୁବେଳେ କିଛି ନୂଆ ଶିଖିବାକୁ ମିଳୁଥିଲା। ସେ ମୋତେ ଭଲ ଲେଖିବାକୁ ସର୍ବଦା ପ୍ରେରଣା ଦେଉଥିଲେ ।
