କେନ୍ଦ୍ରାପଡା କଲେଜର ଦର୍ଶନଶାସ୍ତ୍ର ବିଭାଗ ଛାତ୍ରୀ ପିଜି ପ୍ରବେଶିକା ପରୀକ୍ଷାରେ ରାଜ୍ୟରେ ୧୦ମ ସ୍ଥାନରେ

କେନ୍ଦ୍ରାପଡ଼ା, ୫/୮/୨୦୨୪ (ଓଡ଼ିଶା ସମାଚାର)- କେନ୍ଦ୍ରାପଡା ସ୍ୱୟଂ ଶାସିତ ମହାବିଦ୍ୟାଳୟର ଦର୍ଶନଶାସ୍ତ୍ର ବିଭାଗରୁ ଚଳିତ ବର୍ଷ ଉତୀର୍ଣ୍ଣ ହୋଇଥିବା ଛାତ୍ରୀ ଶୁଭଶ୍ରୀ ଶସ୍ମିତା ସ୍ୱାଇଁ ସ୍ନାତକୋତର(ପିଜି) ଶ୍ରେଣୀରେ ଅଧ୍ୟୟନ ନିମନ୍ତେ ପ୍ରବେଶିକା ପରୀକ୍ଷା ଦେଇଥିଲେ । ସୁଶ୍ରୀ ସ୍ୱାଇଁ ପିଜି ପ୍ରବେଶିକା ପରୀକ୍ଷାରେ ସାରା ରାଜ୍ୟରେ ଦଶମ ସ୍ଥାନ ଅଧିକାର କରିଛନ୍ତି । ଭବିଷ୍ୟତରେ ଜଣେ ଅଧ୍ୟାପିକା ହେବାକୁ ଲକ୍ଷ୍ୟ ରଖିଥିବା ସୁଶ୍ରୀ ସ୍ୱାଇଁ ହେଉଛନ୍ତି କେନ୍ଦ୍ରାପଡା ଜିଲାର ପାଟକୁରା ସ୍ଥିତ କୈଳାସ ଚନ୍ଦ୍ର ସ୍ୱାଇଁଙ୍କ କନ୍ୟା । ସେ +୩ ପରୀକ୍ଷାରେ ସେ ୭୮.୮୦ ପ୍ରତିଶତ ନମ୍ବର ରଖି ଉତୀର୍ଣ୍ଣ ହୋଇଥିଲେ । ସୁଶ୍ରୀ ସ୍ୱାଇଁଙ୍କ ଏହି କୃତିତ୍ୱ କେନ୍ଦ୍ରାପଡା ମହାବିଦ୍ୟାଳୟକୁ ଗୌରବାନ୍ୱିତ କରିଥିବା ବେଳେ କେନ୍ଦ୍ରାପଡା ଜିଲା ମଧ୍ୟ ତାଙ୍କ ପାଇଁ ଗର୍ବିତ ।