ରଜ ଯାତ୍ରା ପାଇଁ ଚଳଚଂଚଳ ଉଗ୍ରତାରା ପୀଠ

ଖୋର୍ଦ୍ଧା,୧୪/୬/୨୩(ଓଡିଶା ସମାଚାର/ଦୀପକ ପ୍ରଧାନ)- ରଜ ପାଇଁ ମା ଉଗ୍ରତାରା ପୀଠ ଚଳ ଚଞ୍ଚଳ । ମା ଙ୍କୁ ଦର୍ଶନ ସହ ମିନା ବଜାର ର ବେଶ ମଜା ନେଉଛନ୍ତି ଶ୍ରଦ୍ଧାଳୁ ।

ଆଜି ପହିଲି ରଜ। ଓଡ଼ିଶାର ଗଣ ପର୍ବ ରଜ। ଘରେ ଘରେ ରଜ ପିଠା ରଜ ପାନର ମହକ, ରଜ ଦୋଳିର କେଁକଟର ଶବ୍ଦ ।  ମୁଳିଝର ଗଡ଼ସ୍ଥିତ ପ୍ରତିଷ୍ଠିତ ତନ୍ତ୍ର ପୀଠ ମା ଉଗ୍ରତାରାଙ୍କ ପୀଠରେ  ରଜ ମହୋଉତ୍ସବ ମହାଆଡ଼ମ୍ବର ସହକାରେ ପାଳିତ ହେଉଅଛି । ଶହ ଶହ ଶ୍ରଦ୍ଧାଳୁ ମା ଙ୍କୁ ଦର୍ଶନ କରିବା ସହିତ ରଜ ପଡିଆର ପଡିଥିବା ଦୋକାନରୁ କିଣାକିଣି କରୁ ମଜା ନେଉଛନ୍ତି।

 ଖୋର୍ଦ୍ଧା ଜିଲ୍ଲା ଟାଙ୍ଗି ବ୍ଲକ୍ ଅଧିନସ୍ଥ ରାଜ ପ୍ରତିଷ୍ଠିତ ପ୍ରସିଦ୍ଧ ତନ୍ତ୍ର ପୀଠ ମା ଉଗ୍ରତାରଙ୍କ ପୀଠରେ ପ୍ରତିବର୍ଷ ରଜ ପର୍ବ ଦୀର୍ଘ୪ଦିନ ଧରି ପାଳିତ ପାଳିତ ହୋଇ ଆସୁଛି ।ଚଳିତ ବର୍ଷ ମା ଉଗ୍ରତାରା ପୀଠରେ ବେଶ ଉତ୍ସାହ ସହକାରେ ପାଳିତ ହେଉଛି ରଜ ପର୍ବ  । ମା’ ଉଗ୍ରତାରା ବି ଏହି ମାନବୀୟ ଲୀଳାକୁ ଗ୍ରହଣ କରି ପାଳୁଛନ୍ତି ରଜପର୍ବ।ମା’ପ୍ରତ୍ୟୁଷରୁ ହଳଦୀ, ଚୁଆ ଚନ୍ଦନ, ଆଗୁରୁ, କର୍ପୁର ମିଶ୍ରିତ ସୁବାସିତ ଜଳରେ ସ୍ନାନ କରି ବାର ରଙ୍ଗି ପାଟ ରେ ସଜେଇ ହୋଇ ଭକ୍ତ ମାନଙ୍କୁ ଦର୍ଶନ ଦେଉଛନ୍ତି । ଏଣୁ ସ୍ଥାନୀୟ ଲୋକଙ୍କ ମନରେ ବେଶ ଉତ୍ସାହ ଆଣିଦେଇଛି ଏଥର ରଜ ପର୍ବ । ରଜ ପର୍ବରେ ଶାନ୍ତି ଶୃଙ୍ଖଳା ରକ୍ଷା କରିବାକୁ ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।ଉଗ୍ରତାରା ପୀଠରେ ଜିଲ୍ଲା ପ୍ରଶାସନ ଓ ବ୍ଲକ ପ୍ରଶାସନ ର ସମସ୍ତ ଅଧିକାରୀ ଘଟଣା ସ୍ଥଳରେ ଉପସ୍ଥିତ ରହି ପ୍ରତ୍ୟକ୍ଷ ତତ୍ତ୍ୱାବଧାନରେ ସମସ୍ତ ବ୍ୟବସ୍ଥା କରାଯାଇଛି।

ଚଳିତ ରଜପର୍ବ ପାଇଁ ଦୁରଦୁରାନ୍ତରୁ ଲୋକେ ମା ଉଗ୍ରତାରା ଦର୍ଶନ କରି ରଜ ପାଳିବା ପାଇଁ ଛୁଟି ଆସିଛନ୍ତି।ମା ଉଗ୍ରତାରାଙ୍କୁ ଶୃଙ୍ଖଳିତ ଦର୍ଶନ କରିବା ପାଇଁ ସମସ୍ତ ବ୍ୟବସ୍ଥା ସରିଛି।ଶାନ୍ତିଶୃଙ୍ଖଳାର ସହିତ ଭକ୍ତମାନେ ମା ଉଗ୍ରତାରାଙ୍କୁ ଦର୍ଶନ କରି ଆଶିଷ ଭିକ୍ଷା କରୁଛନ୍ତି।ମହିଳା ମାନଙ୍କ ଠାରୁ ଆରମ୍ଭ କରି ଟୋକାଠୁ ବୁଢା ପର୍ଯ୍ୟନ୍ତ ସମସ୍ତେ ରଜରେ ମସଗୁଲ ଅଛନ୍ତି।ଚଳିତ ବର୍ଷ ଜିଲ୍ଲା ପ୍ରଶାସନ ପକ୍ଷରୁ ରଜ ମହୋତ୍ସବ ମା ଉଗ୍ରତାରା ପୀଠରେ ଆୟୋଜିତ କରିବା ପାଇଁ ସମସ୍ତ ପ୍ରସ୍ତୁତି ସରିଛି ।ରଜର ଦ୍ୱିତୀୟ ଦିନଠାରୁ ତିନିଦିନ ବ୍ୟାପି ସନ୍ଧ୍ୟାରେ  ସାଂସ୍କୃତିକ କାର୍ଯ୍ୟକ୍ରମ କରାଯିବା ପାଇଁ ବ୍ୟବସ୍ଥା ହେବା ହୋଇଛି।ଜାତୀୟ ରାଜପଥ ୧୬ ଠାରୁ-ଭୂଷଣ୍ଡପୁରରକୁ ସଂଯୋଗ କରୁଥିବା ରାସ୍ତା କୁ ପ୍ରଶାସନ ତରଫରୁ ଉଭୟ ପାର୍ଶ୍ୱରୁ ବନ୍ଦ କରାଯାଇଥିଲା ବେଳେ ସ୍ଥାନୀୟ ଲୋକେ ଯାତାୟାତ ପାଇଁ ଅନେକ ସମ୍ମୁଖୀନ ହେଉଥିବା ରୁ ଜଣାପଡିଛି।ପ୍ରଶାସନ ସ୍ଥାନୀୟ ଲୋକ ପ୍ରତିନିଧି ମାନଙ୍କ ସହିତ ଆଲୋଚନା ନକରି ରାସ୍ତା ବନ୍ଦ କରିଥିବା ରୁ ସ୍ଥାନୀୟ ଲୋକେ ଏହାକୁ ଦୃଢ ବିରୋଧ କରିଛନ୍ତି । ରଜରେ ଭଳିକି ଭଳି ଦୋକାନ ବଜାର ପଡିଛି।ଚଳିତ ବର୍ଷ ରଜରେ ଭଲ ବ୍ୟବସାୟ କରିବାକୁ ଆଶା ରଖିଛନ୍ତି ବ୍ୟବସାୟୀ।

ପ୍ରଶାସନ ପକ୍ଷରୁ ଜିଲ୍ଲାପାଳ କେ ସୁଦର୍ଶନ ଚକ୍ରବର୍ତ୍ତୀ ଙ୍କ ନିର୍ଦ୍ଦେଶ ରେ ଉପଜିଲ୍ଲାପାଳ ଦେବବ୍ରତ ଦାଶ,ଜିଲ୍ଲା ସୂଚନା ଅଧିକାରୀ ଜୋସ୍ନାମୟୀ ଆଚାର୍ଯ୍ୟ ଆଜି ଉପସ୍ଥିତ ଥିବା ବେଳେ ତହସିଲଦାର ଟାଙ୍ଗି  ଜନ୍ମେଜୟ ସାହୁଙ୍କ କାର୍ଯ୍ୟ ଧାରା ଭକ୍ତମାନଙ୍କ ସୁବିଧା ପାଇଁ ଚଳିତ ବର୍ଷ ରଜଯାତ୍ରାରେ ଏକ ନୂତନତ୍ବ ଆଣିଥିବା ଦେଖିବାକୁ ମିଳିଛି।