ଫେକର କାରଖାନା ରେ କାର୍ୟ୍ୟରତ ଅବସ୍ଥାରେ ଦୂର୍ଘଟଣାରେ ଆହତ ଜଣେ କର୍ମଚାରୀଙ୍କ ମୃତ୍ୟୁ ପରେ ୧୪୪ ଧାରା ଅବଧି ବଢ଼ିଲା

ଭଦ୍ରକ,୧୭/୦୪/୨୦୨୩ (ଓଡ଼ିଶା ସମାଚାର)- ଭଦ୍ରକ୍ ଚାନ୍ଦିଆସ୍ଥିତ ଫେକର କାରଖାନା ରେ ଗତ ମଙ୍ଗଳବାର ଦନ କାମ କରୁଥିବାବେଳେ ନିଆଁ ଝୁଲ ପଡ଼ି ଦୁଇ ଜଣ କର୍ମଚାରୀ ଗୁରୁତର ଭାବେ ଆହତ ହୋଇଥିଲେ । ସେମାନଙ୍କୁ ପ୍ରଥମେ ଭଦ୍ରକ ଜିଲା ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଥିଲା ।

ପରେ କଟକ ବଡ଼ ଡ଼ାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା । ପରେ ଏୟାରଲିଫ୍ଟ ଯୋଗେ ମୁମ୍ବାଇସ୍ଥିତ ବର୍ଣ୍ଣ ହସପିଟାଲକୁ ସ୍ଥାନାନ୍ତରିତ କରାଯାଇଥିଲା । କୌଣସି ଅଘଟଣ ଆଶଙ୍କାରେ ୧୪୪ ଧାରା ଜାରି କରାଯାଇଥିଲା । ରବିବାର ରାତିରେ ଚିକିତ୍ସାଧିନ ଅବସ୍ଥାରେ ଜଣେ ଆହତ ଶ୍ରମିକଙ୍କର ମୃତ୍ୟୁ ହୋଇଛି ।  ଆହତ କର୍ମଚାରୀଙ୍କ ମୃତ୍ୟୁ ହେବା ପରେ ଅଘଟଣ ଆଶଙ୍କାରେ ୧୪୪ ଧାରା କୁ ଆଜି ସକାଳ ୬ ଟାରୁ ୧୯ ତାରିଖ ୬ ଟା ପର୍ୟ୍ୟନ୍ତ କାରଖାନା ପରିସର ସମେତ ଆଖ ପାଖ ୨୦୦ ମିଟର ଅଂଚଳରେ ଜାରି କରାଯାଇଛି ।