ଅଙ୍ଗନବାଡ଼ି କେନ୍ଦ୍ରକୁ ଉନ୍ନତ ମାନର ଛତୁଆ ଯୋଗାଣ କରି ଉଦାହରଣ ପାଲଟିଛନ୍ତି ମା ମହିଷାସୁଣି ମହିଳା ସ୍ୱୟଂ ସହାୟିକା ଗୋଷ୍ଠି

ନୟାଗଡ,୧୬/୧୨/୨୦୨୨ (ଓଡ଼ିଶା ସମାଚାର)- ଗାଁ ଗାଁ ରେ ମହିଳା ମାନେ ନିଜ ନିଜ ଭିତରେ ଏକତ୍ରିତ ହୋଇ କିଛି ଚାନ୍ଦା ଆଦାୟ କରି ଗଢ଼ିଛନ୍ତି ସ୍ୱୟଂ ସହାୟକ ଗୋଷ୍ଠୀ । ଏଥିରେ ରହିଛନ୍ତି୧୦ରୁ ଉର୍ଦ୍ଧ୍ବ ମହିଳା । ଏହି ମହିଳା ଙ୍କ ମଧ୍ୟରେ ଜଣେ ସଭାନେତ୍ରୀ ଓ ସମ୍ପାଦିକା ଏବଂ ଜଣେ କୋଷାଧ୍ୟକ୍ଷ, ଅନ୍ୟ ମାନେ ରହିଛନ୍ତି ସଭ୍ୟ।ଏମାନଙ୍କ ମଧ୍ୟରେ କାହାର ଅସୁବିଧା ହେଲେ ଗ୍ରୁପ୍ ରୁ ନେଇ ଥାଆନ୍ତି ଆର୍ଥିକ ସାହାଯ୍ୟ ।କିନ୍ତୁ ପରେ ଏହି ଟଙ୍କାକୁ ସୁଝିଥାଆନ୍ତି ଓ ଗ୍ରୁପରେ ଥିବା ଟଙ୍କାକୁ ବ୍ୟଙ୍କ ରେ ପ୍ରତି ମାସରେ ଡିପୋଜିଟି କରି ବ୍ୟାଙ୍କ ମାଧ୍ୟମରେ ଆର୍ଥିକ ସହାୟତା ପାଇବା ପରେ କରିଥାନ୍ତି ଉଦ୍ୟୋଗ । ତେବେ ନୟାଗଡ ଜିଲ୍ଲାର ଖଣ୍ଡପଡ଼ା ଅଞ୍ଚଳରେ ଶିଖରପୁର ଗାଁରେ ଏକ ମହିଳା ଗୁପ ଅଛନ୍ତି । ଏହା ଲୋକଙ୍କ ପାଇଁ ଉଦାହରଣ ସୃଷ୍ଟି କରିଛି।ଏହି ମହିଳା ସ୍ୱଂୟସହାୟିକା ଗ୍ରୁପ ହେଲେ ମା ମହିଷାସୁଣି ସ୍ୱଂୟସହାୟିକା ଗ୍ରୁପ।ଏହି ଗ୍ରୁପ ଟି ୨୦୦୯ରୁ ଆରମ୍ଭ ହୋଇ ଥିବା ବେଳେ ଏଥିରେ୧୦ଜଣ ମହିଳା ରହିଛନ୍ତି।ଖାଲି ଗ୍ରୁପ କରିଛନ୍ତି ତା ନୁହେଁ।ଖଣ୍ଡପଡ଼ା ଷ୍ଟେଟ ବ୍ୟାଙ୍କରୁ ଚାରିଲକ୍ଷ ଟଙ୍କା ଋଣ ନେଇ ଏକ ଉନ୍ନତ ମାନର ଛତୁଆ କାରଖାନା ପ୍ରତିଷ୍ଠା କରି ପାରିଛନ୍ତି।ଏହି ଛତୁଆକୁ ଖଣ୍ଡପଡ଼ା ବ୍ଲକ ଅଞ୍ଚଳରେ ଥିବା୧୬୯ଟି ଅଙ୍ଗନବାଡ଼ି କେନ୍ଦ୍ରକୁ ଅତି ଉନ୍ନତ ମାନର ଛତୁଆ ଯୋଗାଣ କରି ପ୍ରଶଂସାର ପାତ୍ର ହୋଇ ପାରିଛନ୍ତି ନୟାଗଡ଼ ଜିଲାପ୍ରଶାସନ ପାଖରେ। ତେବେ ଦୋକାନ ରେ ବିଭିନ୍ନ କମ୍ପାନୀର ବିକ୍ରି ହେଉଥିବା ଛତୁଆ ସହିତ ମହିଳା ଗୋଷ୍ଠିଙ୍କ ଛତୁଆ ସବୁଠାରୁ ଭିନ୍ନ ଓ ଉଚ୍ଚ ମାନର ବୋଲି ଅଙ୍ଗନବାଡ଼ି ରୁ ନେଉଥିବା ମହିଳାମାନେ କହିଛନ୍ତି।ସରକାରଙ୍କ ପକ୍ଷରୁ ଯଦି ଅଧିକ ଆର୍ଥିକ ସହାୟତା ଯୋଗାଇ ଦିଆ ଯାଆନ୍ତା, ଏହି ମହିଳା ଗୋଷ୍ଠି ଖାଲି ଛତୁଆ କାହିଁକି ଅନ୍ୟ ଉଦ୍ୟୋଗ ମଧ୍ୟ୍ୟ କରି ପାରନ୍ତେ।