Friday , December 9 2022
Breaking News
Home / ପର୍ଯ୍ୟଟନ ଓ ସଂସ୍କୃତି / ଜାନୁୟାରୀ ୪ ରୁ ୧୪ ତାରିଖ ପର୍ଯ୍ୟନ୍ତ ବିଶ୍ୱପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନ ଓ ଗହୀରମଥା ସାମୁଦ୍ରିକ ଅଭୟାରଣ୍ୟ ପର୍ଯ୍ୟଟକଙ୍କ ପାଇଁ ବନ୍ଦ ରହିବ

ଜାନୁୟାରୀ ୪ ରୁ ୧୪ ତାରିଖ ପର୍ଯ୍ୟନ୍ତ ବିଶ୍ୱପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନ ଓ ଗହୀରମଥା ସାମୁଦ୍ରିକ ଅଭୟାରଣ୍ୟ ପର୍ଯ୍ୟଟକଙ୍କ ପାଇଁ ବନ୍ଦ ରହିବ

ରାଜନଗର, ୧୨/୧୧/୨୦୨୨ (ଓଡ଼ିଶା ସମାଚାର)- ବିଶ୍ୱପ୍ରସିଦ୍ଧ ଭିତରକନିକା ଜାତୀୟ ଉଦ୍ୟାନ ଓ ଗହୀରମଥା ସାମୁଦ୍ରିକ ଅଭୟାରଣ୍ୟ ଆସନ୍ତା ଜାନୁୟାରୀ ୪ ତାରିଖରୁ ୧୪ ତାରିଖ ପର୍ଯ୍ୟନ୍ତ ପର୍ଯ୍ୟଟକଙ୍କ ପାଇଁ ବନ୍ଦ ରହିବ। ପ୍ରତିବର୍ଷ ଭଳି ୨୦୨୩ ଜାନୁୟାରୀ ୪ ତାରିଖରୁ ୧୪ ତାରିଖ ପର୍ଯ୍ୟନ୍ତ କୁମ୍ଭୀର ଗଣନା କାର୍ଯ୍ୟ କରାଯିବା ପାଇଁ ସ୍ଥିର ହୋଇଥିବାରୁ ଏହି ସମୟ ମଧ୍ୟରେ ଭିତରକନିକା କିମ୍ବା ଗହୀରମଥା ସାମୁଦ୍ରିକ ଅଭୟାରଣ୍ୟର ହୁକିଟୋଲା ପ୍ରଭୃତି ସ୍ଥାନକୁ ପର୍ଯ୍ୟଟକମାନେ ନଆସିବା ପାଇଁ ବାରଣ କରାଯାଇଛି।ବିଶେଷକରି ଏଠାରେ ରାତ୍ରିଯାପନ କରିବାକୁ ଇଛା କରିଥିବା ପର୍ଯ୍ୟଟକଙ୍କ ପାଇଁ ଏହି ବିଜ୍ଞପ୍ତି ବନ ବିଭାଗ ପକ୍ଷରୁ ପ୍ରକାଶ ପାଇଛି। ଏହି ସମୟ ମଧ୍ୟରେ ଅନଲାଇନ୍‍ ବୁକିଙ୍ଗ୍‍ ନକରିବା ପାଇଁ ବନବିଭାଗ ପକ୍ଷରୁ ସୂଚନା ଦିଆଯାଇଛି। ଏହି ସମୟ ମଧ୍ୟରେ ରାଜନଗର ବନଖଣ୍ଡର କନିକା, ରାଜନଗର, ଗହୀରମଥା, ମହାକାଳପଡ଼ା, କୁଜଙ୍ଗ ରେଞ୍ଚର ନଦୀନାଳରେ କୁମ୍ଭୀର ଗଣନା କରାଯିବ। ବଉଳା କୁମ୍ଭୀର ଅନ୍ତୁଡିଶାଳ ଭାବେ ପରିଚିତ ଭିତରକନିକା ଜାତୀୟ ଉଦ୍ୟାନର ନଦୀନାଳରେ କୁମ୍ଭୀର ଗଣନା କରାଯାଇ ଆସୁଥିବାବେଳେ କିଛିବର୍ଷ ହେବ ଅନ୍ୟ ବନାଞ୍ଚଳର ନଦୀନାଳରେ କୁମ୍ଭୀର ଗଣନା କରାଯାଉଛି।

Leave a Reply

Your email address will not be published.