ନିଆଁ ଲାଗି ୪ବଖରା ଘର ପୋଡି ପାଉଁଶ

ଖୋର୍ଦ୍ଧା,୨୫/୧୦/୨୦୨୨(ଓଡିଶା ସମାଚାର/ଦୀପକ ପ୍ରଧାନ/ହିମାଂଶୁ ଚମ୍ପତିରାୟ) : ନିଆଁ ଲାଗି ୪ବଖରା ଘର ପୋଡି ପାଉଁଶ । ଦିପାବଳୀରେ ବାଣ ପଡି ନିଆଁ ଲାଗି ଘର ପୋଡିଥିବା ସନ୍ଦେହ।ଖୋର୍ଦ୍ଧା ଜଂକିଆ ଥାନା ହଜ ଗ୍ରାମ ପଞ୍ଚାୟତ କଲରାଝର ସାହିରେ ଘଟିଛି ଏଭଳି ଅଘଟଣ।ନିଆଁ ଲାଗି ୪ ବଖରା ଘର ସଂପୂର୍ଣ୍ଣ ପୋଡି ଯାଇଥିବା ବେଳେ ସମସ୍ତ ଘର କରଣା ଜିନିଷପତ୍ର ସମେତ ଧାନ ଚାଉଳ ପୋଡି ନଷ୍ଟ ହୋଇଯାଇଛି।ଖବର ପାଇ ରଣପୁର ଦମକଳ ବାହିନୀ ପହଞ୍ଚି ନିଆଁକୁ ଆୟତ କରିଥିବା ଜଣାପଡ଼ିଛି।କଲରାଝର ଗ୍ରାମର କେଳୁ ଦାଶ,ରବିନ୍ଦ୍ର ଦାଶ,ବିଶ୍ୱମ୍ବର ଦାଶ ଓ ଦଣ୍ଡପାଣି ପ୍ରଧାନଙ୍କର ଗୋଟିଏ ଗୋଟିଏ ବଖରା ଘର ପୋଡିଥିବା ଜଣାପଡିଛି। ଘଟଣାସ୍ଥଳକୁ ବିଜୁ ଜନତା ଦଳର ରାଜ୍ୟ ସଂପାଦକ ପ୍ରଦୀପ କୁମାର ସାହୁ ପରିଦର୍ଶନ କରି କ୍ଷତିଗ୍ରସ୍ତ ପରିବାର ସଦସ୍ୟମାନଙ୍କୁ ସମବେଦନା ଜଣାଇବା ସହ ସରକାରୀ ସହାୟତା ପାଇଁ ଆଶ୍ବାସନା ଦେଇଥିଲେ ।