ଡକାୟତ ଦଳ ର ମୁଖ୍ୟ ସୂତ୍ରଧର କୁ ବାନ୍ଧିଲା ପୋଲିସ

ଧର୍ମଗଡ, ୧୫/୦୯/୨୦୨୨(ଓଡ଼ିଶା ସମାଚାର /ରାକେଶ ବେମାଲ )- କଳାହାଣ୍ଡି ଜିଲ୍ଲାର ଧର୍ମଗଡ ଉପଖଣ୍ଡ ଅଞ୍ଚଳରେ ବିଗତ ଦିନରେ ହୋଇଥିବା ବିଭିନ୍ନ ଡ଼କାୟତି ମାମଲାରେ କଳାହାଣ୍ଡି ପୋଲିସ ୧୦ ଜଣ ଙ୍କୁ ଗିରଫ କରି ସାରିଥିବା ବେଳେ ଆଜି ଡ଼କାୟତି ର ଜଣେ ସୁତ୍ରଧରକୁ ପୋଲିସ ଗିରଫ କରିଛି। ଏନେଇ ଆଜି ଧର୍ମଗଡ ଉପଖଣ୍ଡ ପୋଲିସ ଅଧିକାରୀ ଧିରଜ ଚୋପଦାର ଏକ ସାମ୍ବାଦିକ ସମ୍ମିଳନୀରେ ଏହି ସୁଚନା ଦେଇଛନ୍ତି। ପୋଲିସ ପାଖରୁ ପ୍ରାପ୍ତ ସୁଚନା ଅନୁଯାୟୀ, ଆମପାଣି ଥାନା ଅନ୍ତର୍ଗତ ବଡ କେନ୍ଦୁଗୁଡା ଗ୍ରାମର ମୋହନ ପୁଝାରୀ (୫୦) ଜିଲ୍ଲା ବାହାରୁ ଡକାୟତ ମାନଙ୍କୁ ଡକାଇ ଡକାୟତି କରାଇ ବାରେ ମୂଖ୍ୟ ସୁତ୍ରଧର ସାଜିଥିଲା।

ବେହେରା ଗ୍ରାମର ଅଳଙ୍କାର ଦୋକାନ ରେ ଡ଼କାୟତି, ଗୋଲାମୁଣ୍ଡା ଥାନା ଅନ୍ତର୍ଗତ ପଞ୍ଜଆ ଗ୍ରାମରେ ଡ଼କାୟତି, କୋକସରା ଥାନା ଅନ୍ତର୍ଗତ କାଉଡୋଳା ଗ୍ରାମରେ ଡ଼କାୟତି ସହ ଗୃହ କର୍ତାଙ୍କୁ ଆକ୍ରମଣ ଘଟଣାରେ ସେ ଜଡ଼ିତ ଥିଲା ବୋଲି ପୋଲିସ କହିଛି। ସଂପୃକ୍ତ ବ୍ୟକ୍ତିଙ୍କ ଠାରୁ ଗୋଟିଏ ଖଣ୍ଡା ଏଵଂ ମୋବାଇଲ୍ ଫୋନ, ଡକାୟତ ମାନେ ବ୍ୟବହାର କରିଥିବା ବାସନ କୁସନ ପୋଲିସ ଜବତ କରିଛି। ଏହି ସାମ୍ବାଦିକ ସମ୍ମିଳନୀରେ ଗୋଲାମୁଣ୍ଡା ଥାନା ଅଧିକାରୀ ଯୁଗଳ କିଶୋର ଶବର ଉପସ୍ଥିତ ଥିଲେ।