ସାହିତ୍ୟ ମାଧ୍ୟମରେ ବୈପ୍ଳବିକ ପରିବର୍ତନ ଆସିପାରିବ : ସାରସ୍ୱତ ପ୍ରତିଭାଙ୍କୁ ସମ୍ମାନ

ଜୟଶ୍ରୀ ଦାସଙ୍କୁ ଶ୍ରେଷ୍ଠ ସାହିତି୍ୟକା ଜ୍ୟୋତି ସମ୍ମାନ
ଭୁବନେଶ୍ୱର,୧୪/୦୯/୨୦୨୨(ଓଡ଼ିଶା ସମାଚାର)-ନାଗେଶ୍ୱର ଫିଲ୍ମ ପ୍ରଡ଼କ୍ସନ୍ ପକ୍ଷରୁ ସ୍ଥାନୀୟ ବୁଦ୍ଧମନ୍ଦିରଠାରେ ନାଗେଶ୍ୱର ସିନେ ସାହିତ୍ୟ ଆୱାର୍ଡ଼ – ୨୦୨୨ ଅନୁଷ୍ଠିତ ହୋଇଯାଇଛି । ପ୍ରାରମ୍ଭରେ ବେଦପାଠ ସହିତ ବିଭିନ୍ନ ଜିଲ୍ଲାରୁ ଆସିଥିବା କବିମାନେ ନିଜ ନିଜର ସ୍ୱରଚିତ କବିତା ପାଠ କରିଥିଲେ । ପ୍ରଯୋଜକ-ନିର୍ଦ୍ଧେଶକ ଅଶୋକ ଘଡ଼ିଆଙ୍କ ପୌରୋହିତ୍ୟରେ ଅନୁଷ୍ଠିତ କାର୍ଯ୍ୟକ୍ରମରେ ପୂର୍ବତନ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସାହିତି୍ୟକ ରବି ନାରାୟଣ ସେନାପତି, ବିଶିଷ୍ଟ ସାହିତି୍ୟକା ଲେଖିକା ଡଃ ଶକୁନ୍ତଳା ବଳିୟାରସିଂହ, ସାହିତି୍ୟକ ହରେକୃଷ୍ଣ ଦାଶ, ସୌଦାମିନୀ ସାମନ୍ତରାଙ୍କ ପରିଚାଳିକା ଭାବେ ଉପସ୍ଥିତ ରହିବା ସହିତ ଅଧୁନା ସମୟରେ ସମାଜ ଗଠନରେ ସାହିତି୍ୟକା ଓ ଲେଖିକାମାନଙ୍କ ବହୁ ଗୁରୁତ୍ୱପୂର୍ଣ୍ଣ ଭୂମିକା ରହିବା ସହିତ ନୂତନ ସ୍ରଷ୍ଟାମାନଙ୍କୁ ଉକ୍ତ ଅନୁଷ୍ଠାନ ଆଗକୁ ଆଣିବା ବେଶ୍ ପ୍ରେରଣାଦାୟୀ ହୋଇପାରିଛି ବୋଲି ଅତିଥିମାନେ ମତବ୍ୟକ୍ତ କରିବା ସହିତ ଓଡ଼ିଆ ଭାଷା, ସାହିତ୍ୟକୁ ସଠିକ୍ ଭାବରେ ବୁଝି ଜନକଲ୍ୟାଣରେ ଲଗାଇବା ପାଇଁ ଅତିଥିମାନେ ମତବ୍ୟକ୍ତ କରିଥିଲେ । ଏହି ଅବସରରେ ସାହିତି୍ୟକା ଜୟଶ୍ରୀ ଦାଶ, ଦିବ୍ୟାଙ୍ଗ ସମାଜସେବିକା ନର୍ମଦା ବେହେରା, ସୁଧା ପଟ୍ଟନାୟକ, ଭାସ୍କର ବେଦାନ୍ତ ପ୍ରମୁଖଙ୍କୁ ଉପଢୌକନ ଓ ମାନପତ୍ର ଦେଇ ଅତିଥିମାନେ ସମ୍ମାନିତ କରିଥିଲେ । କାର୍ଯ୍ୟକ୍ରମକୁ ସନ୍ଧ୍ୟା ପୃଷ୍ଟି ସଂଯୋଜନା କରିବା ସହିତ ଧନ୍ୟବାଦ ଅର୍ପଣ କରିଥିଲେ ସୁଧା ପଟ୍ଟନାୟକ । ଓଡ଼ିଶା ସମାଚାର