ଗୁରୁ ପ୍ରାର୍ଥନା — ସୁନିତା ଆଚାରୀ

ଆହେ ଗୁରୁଦେବ ତୁମେ ଗୁରୁ ଶ୍ରେଷ୍ଠ, ପଥ ପ୍ରଦର୍ଶକ ତୁମେ ।

ଭକତି ଅନ୍ତରେ ତବ ଶ୍ରୀ ପୟରେ, ଭକତି କୁସୁମ ଢାଳେ ।।

ତୁମରି ଆସି ସେ ବହେ ଜ୍ଞାନ ଗଙ୍ଗା

ଜ୍ଞାନ ର ଆଲୋକେ ଆଲୋକିତ ଧରା

ଅନ୍ଧାର କୁ ଦିଅ ——– ନାସି    ।୧।

ଆହେ ଗୁରୁଦେବ ତୁମେ ଗୁରୁ ଶ୍ରେଷ୍ଠ, ପଥ ପ୍ରଦର୍ଶକ ତୁମେ ।

ମାଗେ ସୁଭାଶୀଷ ଯୋଡି ବେନି କର, ଅମୃତ ଭାବନା ବହେ  ।।

ତୁମରି ପରଶେ ମାଟି ହୁଏ ସୁନା

ଶାମୁକା ଗରଭେ ମିଳଇ ମୁକୁତା

ହତାଶ କୁ ଦିଅ ————— ଶକ୍ତି  ।। ୨ ।।

ଆହେ ଗୁରୁଦେବ ତୁମେ ଗୁରୁ ଶ୍ରେଷ୍ଠ, ପଥ ପ୍ରଦର୍ଶକ ତୁମେ  ।

ଢାଳି କୃପା ଭିକ୍ଷା ଦିଅ ମୋତେ ଦୀକ୍ଷା, ସାଶ୍ୱତ ଜୀବନ ଚାହେଁ  ।।

ତୁମରି ଆଦର୍ଶରେ ପଙ୍ଗୁ ଲଙ୍ଗେ ଗିରି

ମୁକ୍ତ ଆକାଶରେ ବିହଙ୍ଗ ମ ପରି

ଜୀବନ କୁ ଦିଅ ————— ମୁକ୍ତି  ।। ୩ ।।

ଆହେ ଗୁରୁଦେବ ତୁମେ ଗୁରୁ ଶ୍ରେଷ୍ଠ, ପଥ ପ୍ରଦର୍ଶକ ତୁମେ ।

ଭକତି ଅନ୍ତରେ ତବ ଶ୍ରି ପୟରେ, ଭକତି କୁସୁମ ଢାଳେ  ।।

 -୦-

ସହକାରୀ ଶିକ୍ଷକ  , ସରକାରୀ ଉଚ୍ଚ ବିଦ୍ୟାଳୟ ଜୁନାଗଡ଼ କଳାହାଣ୍ଡି