ସ୍ପେଶାଲ ଓଜେଇଇ ଆଜିଠାରୁ ଆରମ୍ଭ

ଭୁବନେଶ୍ୱର,୦୩/୦୯/୨୦୨୨(ଓଡ଼ିଶା ସମାଚାର)- ଆଜିଠାରୁ ଆରମ୍ଭ ହେବ ସ୍ପେଶାଲ ଓଜେଇଇ। ଚଳିତ ଥର ମୋଟ ୨୮ ହଜାର ୬୦୦ ପରିକ୍ଷାର୍ଥୀ ଦେବେ ସ୍ପେଶାଲ ଓଜେଇଇ । ରାଜ୍ୟର ୨୮ଟି ସହରରେ ୩୮ଟି ପରୀକ୍ଷା କେନ୍ଦ୍ର ହୋଇଛି । ଏଥିସହ କୋଲକାତା, ରାଞ୍ଚି ଏବଂ ପାଟନାରେ ଗୋଟିଏ ଲେଖାଏଁ ପରୀକ୍ଷା କେନ୍ଦ୍ର କରାଯାଇଥିବା ଓଜେଇଇ ପକ୍ଷରୁ ସୂଚନା ଦିଆଯାଇଛି ।

ତେବେ ସକାଳ ୯ଟାରୁ ପରୀକ୍ଷା ଆରମ୍ଭ ହୋଇ ସନ୍ଧ୍ୟା ୫ଟାରେ ସରିବ । ୪ଟି ସିଫ୍ଟରେ ପରୀକ୍ଷାର୍ଥୀ ପରୀକ୍ଷା ଦେବେ। ବିଟେକ୍‍, ବିଫାର୍ମା, ଏମବିଏ, ଲାଟେରାଲ୍ ଏଣ୍ଟ୍ରି ଟୁ ବିଟେକ୍ , ଏମସିଏ, ଏମ୍ ଟେକ୍ , ଆର୍କିଟେକ୍‍, ଏମ୍ ଫାର୍ମା ପାଠ୍ୟକ୍ରମରେ ନାମଲେଖା ପାଇଁ ଛାତ୍ରଛାତ୍ରୀ ପରୀକ୍ଷା ଦେବେ । ପରୀକ୍ଷାର୍ଥୀମାନେ ସେମାନଙ୍କର ଆବେଦନ ନମ୍ବର ଏବଂ ଜନ୍ମ ତାରିଖ ବ୍ୟବହାର କରି ଓଜେଇଇ େୱବସାଇଟରୁ ସେମାନଙ୍କର ଆଡମିଟ୍ କାର୍ଡ ଡାଉନଲୋଡ୍ କରିବାର ବ୍ୟବସ୍ଥା ହୋଇଛି। ଆଜି, ଆସନ୍ତାକାଲି ଏବଂ ୭ ତାରିଖ ୩ ଦିନ ଚାଲିବ ଓଜେଇଇ ପରୀକ୍ଷା । ଓଡ଼ିଶା ସମାଚାର