ଦୁର୍ଗା ପୂଜା ପାଇଁ ଅନୁକୂଳ ମାଟି ଉଠିଲା

ଭୁବନ,୦୧/୦୯/୨୦୨୨(ଓଡ଼ିଶା ସମାଚାର)- ଭୁବନର ଐତିହାସିକ ବଳଦଯାତ୍ରା ଓ ପ୍ରସିଦ୍ଧ ଦୁର୍ଗାପୂଜା ନିମନ୍ତେ ଗତକାଲି ଗଣେଶ ଚତୁର୍ଥୀ ଅବସରରେ ଦୁର୍ଗାଙ୍କ ଅନୁକୂଳ ମାଟି ଉଠିଥିଲା । କାଳୀ ବଜାର ଠାରୁ ବିଭିନ୍ନ ଦୁର୍ଗାପୂଜା ଓ ହରପାର୍ବତୀ ପୂଜାକମିଟି କର୍ମକର୍ତା ବାଜା ,ବାଣ ,କୀର୍ତନ ମଣ୍ଡଳୀ ଶୋଭାଯାତ୍ରାରେ ସହର ପରିକ୍ରମାକରି ରଗଡି ନାଳକୂଳରେ ପହଁଚି ଥିଲେ । ସେଠାରେ ପୂଜାର୍ଚ୍ଚନା କରି ଅନୁକୂଳ ମାଟି ଧରି ଫେରିଥିଲେ । ଚଳିତବର୍ଷ ଭୁବନରେ ସମୁଦାୟ ୧୨ ଟି ମଣ୍ଡପରେ  ଦୁର୍ଗାପୂଜା ହେବ । ଐତିହାସିକ  ତଥା  ପାରମ୍ପରିକ ବଳଦ ଯାତ୍ରା  ନିମନ୍ତେ  ଗତକାଲି ଠାରୁ ବଳଦ ମାନଙ୍କୁ ବାଜା ବଜାଇ ସହର  ପରିକ୍ରମା କରି  ଅଭ୍ୟାସ କରାଯାଇଥିଲା । ଓଡ଼ିଶା ସମାଚାର