Thursday , February 2 2023
Breaking News
Home / ବ୍ୟବସାୟ ବାଣିଜ୍ୟ / କଳିଙ୍ଗନଗର ସିମେଣ୍ଟ କରଖାନାରେ ଦୂର୍ଘଟଣା, ଜଣେ ଶ୍ରମିକ ଙ୍କ ମୃତ୍ୟୁ

କଳିଙ୍ଗନଗର ସିମେଣ୍ଟ କରଖାନାରେ ଦୂର୍ଘଟଣା, ଜଣେ ଶ୍ରମିକ ଙ୍କ ମୃତ୍ୟୁ

ଯାଜପୁର ୧୩/୦୪/୨୦୨୨( ଓଡ଼ିଶା ସମାଚାର )- ଯାଜପୁର ଜିଲ୍ଲା କଳିଙ୍ଗନଗର ସ୍ଥିତ ଏକ ସିମେଣ୍ଟ କରଖାନାରେ ଅଘଟଣ ଘଟିଛି। ଲୋଡିଂ ବେଲ୍ଟରେ ଚାପି ହୋଇ ଜଣେ ଶ୍ରମିକଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ମୃତ ଶ୍ରମିକ ଜଣକ ପଶ୍ଚିମବଙ୍ଗ ମେଦିନାପୁର ଅଞ୍ଚଳର ବୋଲି ଜଣାପଡିଛି । କ୍ଷତିପୁରଣ ଦାବିରେ କାରଖାନା ମୁଖ୍ୟ ଫାଟକ ସମ୍ମୁଖରେ ମୃତଦେହ ରଖି ଶ୍ରମିକମାନେ ଧାରଣା ଦେଇଛନ୍ତି। ସୂଚନାନୁସାରେ, ଗତକାଲି ରାତି ପାଖାପାଖି ସାଢ଼େ ୮ ଟା ସମୟରେ କଳିଙ୍ଗନଗର ସ୍ଥିତ ଏକ କାରଖାନା ପାରିସରରେ ଦୁର୍ଘଟଣା ଘଟି ଜଣେ ଶ୍ରମିକ ଗୁରୁତର ଆହତ ହୋଇଥିଲେ। ତାଙ୍କୁ ତୁରନ୍ତ ସ୍ଥାନୀୟ ଟାଟା ହସ୍ପିଟାଲରେ ଭର୍ତ୍ତି କରାଯାଇଥିଲା। ମାତ୍ର ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ଶ୍ରମିକଙ୍କ ଶବକୁ କାରଖାନା ଫାଟକ ସମ୍ମୁଖରେ ରଖି ଶ୍ରମିକ ସଂଘ କ୍ଷତିପୂରଣ ଦାବି କରିଛି । ଘଟଣାସ୍ଥଳରେ ଚାପା ଉତେଜନା ଦେଖାଦେଇଛି। ଯଖପୁରା ପୋଲିସ ଘଟଣାସ୍ଥଳରେ ପହଞ୍ଚି ଶ୍ରମିକମାନଙ୍କୁ ବୁଝାସୁଝା କରୁଛି। ଓଡ଼ିଶା ସମାଚାର

Leave a Reply

Your email address will not be published.